Praktıkalyq sabaqtar ótkizý úshin tehnıka jiberildi.
Qazaqstandyq mamandar ary-beri jóńkilgen áskerı tehnıka qozǵalysyna túsinik berdi, dep habarlaıdy Almaty-akhamy.kz.
«Qazaqstannyń Qarýly Kúshterinde jeke quramnyń ornyn aýystyrýǵa, oqytýǵa, jattyqtyrýǵa baılanysty áskerlerdiń jaýyngerlik ázirligi men jaýyngerlik daıarlyǵyn arttyrý sharalary josparly túrde ótkiziledi.Osy kúnderi Qorǵanys mınıstrligi Áskerı kolejiniń oqýshylaryna praktıkalyq sabaqtar ótkizý úshin Semeı garnızonynan Shýchınsk qalasyna áskerı tehnıka jóneltildi», - delingen Qorǵanys mınıstrliginiń baspasóz qyzmetiniń habarlamasynda.
Mamandardyń aıtýynsha, ústimizdegi jyldyń 25 aqpany men 3 naýryzy aralyǵynda Qaraǵandydan Gvardeısk garnızonyna, sondaı-aq Almatydan Aqtaý garnızonyna áskerı tehnıka jiberildi.
1-4 naýryz aralyǵynda Shymkentten Tarazǵa, Túrkistanǵa, «Aısha bıbi» polıgonyna jáne keri baǵytta Qarýly Kúshterge tıesili tehnıkalardyń qozǵalysy josparlanyp otyr.
Atalǵan kezeńde jóndeý jumystaryn júrgizý úshin áskerı tehnıkalardy temir jol kóligimen Batys Qazaqstannan eldiń ońtústik bóligine josparly túrde jetkizý iske asyrylý ústinde.