Shymkentte ulttyq sport túri – aýdaryspaqtan ótken jarysta Qorǵanys mınıstrligi Armıa ortalyq sport klýbynyń sportshylary eki altyn, bir kúmis, bir qola medal jeńip aldy.
Chempıonatqa elimizdiń 120-dan astam úzdik sportshylary jınaldy, dep habarlaıdy aqshamnews.kz Qorǵanys mınıstrligine silteme jasap.
Aýdaryspaq – sportshydan úlken eptilik pen kúshtilikti, tózimdilik pen batyldyqty talap etetin ulttyq sporttyń bir túri. Aýdaryspaqqa tártip boıynsha at ústindegi aıqasty jaqsy meńgergen, tıanaqty daıyndyǵy bar sportshylar ǵana qatysa alady. Ejelgi zamannan kele jatqan bul oıyn jaýgershilik kezinde naıza ustap, qylysh shabatyn jaýyngerge qajetti qasıetterdi qalyptastyrǵan.
Jarys qorytyndysy boıynsha Armıa ortalyq sport klýbynyń sportshylary Azamat Sarǵazın (62 kg) jáne Almaz Látipbek (74 kg) jeńimpaz atandy. Kúmis medalǵa Arman Saǵymbaev (100 kg) jáne Ramazan Ǵalel (87 kg), qola medalǵa Shyńǵys Erjanov (74 kg) ıe boldy.
Armıa sportshylarynyń bul jetistigi sheberliktiń joǵary deńgeıin, olardyń ejelgi ulttyq dástúrlerdi saqtap, urpaqtan urpaqqa jetkizýge degen umtylysyn dáleldeıdi.