Almaty oblysynyń túrli aýdanyna qatynaıtyn qala mańyndaǵy jańa marshrýttar ashyldy, dep habarlaıdy Aqshamnews.kz
Megapolısti aglomerasıamen baılanystyratyn kólik qatynasyn jaqsartý maqsatynda Almatyda qala mańyndaǵy jańa marshrýttar ashylyp jatyr. Almaty qalalyq mobıldilik basqarmasy Eńbekshiqazaq, İle, Qarasaı jáne Jambyl aýdanydaǵy eldi mekenderdi qamtıtyn 8 jańa marshrýt uıymdastyrdy.
Osylaısha, 13 qarashadan bastap tasymaldaýshy «NurjasTrans» JSHS №218, 238, 246, 248, 250, 255 marshrýttaryna qyzmet kórsetýge kirisedi. «Tóle bı/Iassaýı avtobeketi – A.Toqpanov aýyly» baǵyty boıynsha №218 marshrýtta 5 avtobýs júredi. Qozǵalys 5:30 bastalyp, 23:00 aıaqtalady.
«Tóle bı/Iassaýı avtobeketi – Kóktóbe aýyly» baǵyty boıynsha №238 marshrýtta 3 avtobýs júredi. Qozǵalystyń bastalýy – 5:30, aıaqtalýy – 23:00. «Barlyq bazary – Kemertoǵan aýyly» baǵyty boıynsha №246 marshrýtta 3 avtobýs júredi. Qozǵalystyń bastalýy – 5:30, aıaqtalýy – 23:00. «Barlyq bazary – Sholaqqarǵaly aýyly» baǵyty boıynsha №248 marshrýtta 2 avtobýs júredi. Qozǵalystyń bastalýy – 6:00, aıaqtalýy – 22:00. «Mamyr-7 shaǵyn aýdany – Qyrǵaýyldy aýyly» baǵyty boıynsha №250 marshrýtta 2 avtobýs júredi. Qozǵalystyń bastalýy – 5:30, aıaqtalýy – 23:00.«Almaty-1 temirjol vokzaly – Jaýǵashty aýyly» baǵyty boıynsha №255 marshrýtta 2 avtobýs júredi. Qozǵalystyń bastalýy – 5:30, aıaqtalýy – 23:00.
Sonymen qatar, 11 qarashadan bastap «Jas Trans» JSHS-ne №241 jáne №242 marshrýttary berildi.
«Jetisý bazary – Qoıshybek aýyly» baǵyty boıynsha №241 marshrýtta 3 avtobýs júredi. Qozǵalystyń bastalýy – 6:00, aıaqtalýy – 22:00.
«Jetisý bazary – Bazarkeldi aýyly» baǵyty boıynsha №242 marshrýtta 3 avtobýs júredi. Qozǵalystyń bastalýy – 6:00, aıaqtalýy – 22:00.
Aıta ketý kerek, jolaýshylar men júkti avtokólikpen tasymaldaý erejesine sáıkes, atalǵan marshrýttar baıqaý ótkizilgenge deıin tasymaldaýshylarǵa ýaqytsha berilip, synaq rejıminde jumys isteıdi. Sonyń nátıjesinde jolaýshylardyń legi men turǵyndardyń qajettiligi eskerilip, qozǵalys syzbalaryna ózgerister engiziledi.
Eske salaıyq, megapolıs basshysy Erbolat Dosaevtyń tapsyrmasymen ótken jyldan bastap ákimdik 41 qala mańyndaǵy marshrýt uıymdastyryp, 600 avtobýs pen 100 troleıbýs satyp aldy. Bıyl taǵy 600 avtobýs, 112 troleıbýs jáne 100 elektroavtobýs satyp alyndy.