Ózgeris áskerı qyzmetkerlerdiń daıyndyǵyn sapaly uıymdastyrý maqsatynda engizilmek.
QR Qorǵanys mınıstrligi Qazaqstan Respýblıkasy Qarýly Kúshterindegi dene shynyqtyrý daıarlyǵy standarttaryna ózgerister ázirledi, dep habarlaıdy Almaty-akshamy.kz QR Qorǵanys mınıstrligine silteme jasap.
Vedomstvo atap ótkendeı, ózgeris áskerı qyzmetkerlerdiń daıyndyǵyn sapaly uıymdastyrý maqsatynda engizilip jatyr.
Normatıvter jobasyna engizilgen negizgi ózgerister men tolyqtyrýlar:
«Azamattyq jastar qatarynan áskerı oqý oryndaryna kandıdattardyń» dene daıarlyǵyn baǵalaý tártibi anyqtaldy – buryn bul suraq qarastyrylmaǵan;
«Azamattyq jastar qatarynan áskerı oqý oryndaryna kandıdattar» sanaty áskerı qyzmetshiler sanatynan bólindi – buǵan deıin naqty sanattar arasy bólinbegen;
«Azamattyq jastar qatarynan áskerı oqý oryndaryna kandıdattarǵa» arnalǵan jattyǵýlar aıqyndaldy (100 m júgirý qosyldy) – buryn keıbir jattyǵýlar qarastyrylmaǵan;
jekpe-jek urys tásilderin oryndaýǵa tartylatyn sanattar aıqyndaldy (1 jáne 2 jas tobyndaǵy áıelderge – JJK bastapqy jáne 8 esepke oryndalatyn JJK keshenderi, 1-5 jas tobynaǵy áskerı qyzmetshi erlerge – JJK bastapqy, arnaıy jáne 8 esepke oryndalatyn JJK keshenderi) – buǵan deıin keıbir jattyǵýlar durys bólinbegen;
kedergiler jolaǵynda oryndalatyn jattyǵýlar nátıjelerine aýa temperatýrasyn jáne kıim nysanyn eskere otyryp túzetýler anyqtaldy – buǵan deıin kedergiler jolaǵynda oryndalatyn jattyǵýlarǵa ózgertýler jáne kıim nysanynyń nusqalary bolmaǵan.
Qorǵanys mınıstrligi usynǵan ózgeristerdi AshyqNQA saıtynan 5 mamyrǵa deıin oqı alasyz.