Jambyl oblysynyń Baızaq aýdanynda ornalasqan áskerı bólim qoımasynan órt shyǵyp, jarylys boldy. Bul týraly QR Qorǵanys mınıstrliginen málim etti, dep habarlaıdy almaty-akshamy.kz
«Búgin saǵat shamamen 19:00-de Jambyl oblysynyń Baızaq aýdanynda ornalasqan áskerı bólim qoımalarynyń birinen órt shyqty. Órt saldarynan belgisiz zattyń jarylysy oryn aldy. Órtti sóndirýge bólimniń shynjyr tabandy órt sóndirý mashınasy men órt sóndirý komandasy jumyldyrylǵan. Olarǵa Jambyl oblystyq TJD órt sóndirý bólimsheleri kómek kórsetýde. Órt oshaǵyn joıý jalǵasyp jatyr. Órttiń neden shyqqany anyqtalý ústinde», - delingen mınıstrlik taratqan aqparatta.
Vedomstvo málimetinshe, oqıǵa ornyna QR Qorǵanys mınıstriniń orynbasary, general-leıtenant Rýslan Shpekbaev bastaǵan Qorǵanys mınıstrliginiń komısıasy jiberildi.