1 naýryzdan bastap qazaqstandyqtar tolyp jatqan anyqtamalar men qujattardy usynbaı, áskerı qyzmetti ótkerý týraly óz mártebesin bir júıeden bile alady. Bul týraly Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın jelidegi paraqshasynda habarlady, dep jazady Almaty-akshamy.kz.
«Birneshe aı buryn elordalyq áskerı komısarıattardyń birine baryp, Qorǵanys mınıstrliginiń ókilderimen birge osy salany sıfrlandyrý josparlaryn talqylaǵan bolatynbyz. Sonda kóterilgen máselelerdiń biri áskerge shaqyrylatyn jastardy áskerı qyzmetke shaqyrýdan bosatý nemese keıinge qaldyrý maqsatynda talap etiletin anyqtamalardan aryltý bolatyn. Ol úshin birneshe júıeni biriktirý qajet edi. Araǵa ýaqyt salyp, birlesken jumystyń arqasynda nátıjege qol jetkizdik. Máselen, osy jyldyń 1 naýryzynan bastap azamattar tolyp jatqan anyqtamalar men qujattardy usynbaı, áskerı qyzmetti ótkerý týraly óz mártebesin bir júıeden bile alady», - dep jazdy mınıstr.
«Ulttyq aqparattyq tehnologıalar» AQ jáne Qorǵanys mınıstrligimen birlesip, qazaqstandyqtardy áskerge shaqyrýdan bosatý jáne keıinge qaldyrý týraly aqparat beretin proaktıvti memlekettik qyzmetti iske qosty.
«Áskerge barýǵa mindetti er adamdarǵa, ıaǵnı 18-27 jastaǵy azamattarǵa áskerden bosatý nemese keıinge qaldyrý boıynsha tıisti aqparat telefondaryna habarlama retinde joldanatyn bolady. Mobıldi azamattar bazasynda tirkelgen qazaqstandyqtar ǵana habarlama alatynyn atap ótemin. Qazirgi kúni 300 myń áskerge shaqyrylýshy 1414-ten ЅMЅ habarlamalar alyp úlgerdi», - dep tolyqtyrdy B.Mýsın.