2024 jyldyń birinshi qańtarynan bastap 17 jasqa tolǵan azamattardyń qujattary qarýly kúshterdiń elektrondy bazasyna engiziledi.
Qorǵanys mınıstrliginiń bul jobasy «Elektrondyq úkimet» portaly jáne «eGov» mobıldik qosymshasy arqyly jumys isteıtin bolady, dep habarlaıdy Almaty-akshamy.kz 24.kz-ke silteme jasap.
Tirkeý barysynda azamattardy áskerı esepke alý, olardyń sany men áskerı qyzmetke jaramdylyq sanaty aıqyndalady. Endi jastar áskerı kommısarıattarǵa tirkelý úshin saǵattap kezekte turmaıdy. Sondaı-aq, densaýlyq jaǵdaıy týraly málimetter tıisti uıymdardyń aqparattyq júıelerinen alynatyn bolady. Qyzmet túrlerin avtomattandyrý arqyly qaǵazbastylyq azaıady. Endi barlyq qujat elektrondy túrde qoljetimdi bolmaq.
Darhan Ahmedıev, QR Qorǵanys mınıstriniń orynbasary: - Azamattardy shaqyrý ýchaskelerine tirkeý prosesi avtomatty túrde jasalynatyn bolady. Negizi tirkeý prosesteri qańtardyń basynan, naýryzdyń aıaǵyna deıin júrgiziledi. Bul jumystyń arqasynda biz memleket úshin 1 mıllıardtan astam qarjysyn jáne azamattardyń ýaqytyn únemdep otyrmyz.