Reıster qyrkúıektiń sońynda ashylady.
Úndistannyń iri IndiGo áýe kompanıasy "Delı – Almaty – Delı" tikeleı reısin iske qosady, dep habarlaıdy Almaty-akshamy.kz mádenıet jáne sport mınıstrliginiń baspasóz qyzmetine silteme jasap.
Reıster qyrkúıek aıynyń sońynda bastalady jáne aptasyna úsh ret qatynaıdy.
"Jańa tikeleı reısterdi iske qosý boıynsha kelissózder sheteldik avıakompanıalarmen únemi júrgizilip turady. Atap aıtqanda, sońǵy ýaqytta Katar, Egıpet jáne Qytaıǵa ushý jıiligi artty. Sheteldik kompanıalar Qazaqstanǵa úlken qyzyǵýshylyq tanytýda. Mysaly, osy jazda Omannyń Salam Air áýe kompanıasy "Almaty – Maskat" baǵyty boıynsh, aptasyna 2 ret jıilikpen reıs ashty", - dedi mınıstrliktiń resmı ókili Móldir Ábdýalıeva.
Vedomstvonyń aqparatynsha, Delı – Almaty reısi Úndistandaǵy 75-ten astam baǵytqa, sondaı-aq Azıanyń iri qalalaryna ushatyn avıakompanıa úshin 32-shi halyqaralyq tikeleı baılanys sanalady. Sondaı-aq IndiGo-nyń Eýropa men Soltústik Amerıkada óziniń seriktestik kodtary arqyly úlken jelisi bar.