Qazaqstan Qarýly Kúshteriniń Áskerı polısıasy bas basqarmasy azamattardan armıadaǵy quqyqbuzýshylyqtar týraly aqparat qabyldaý úshin mobıldi qosymshasy bar askeri-senim.kz saıtyn ázirledi, dep habarlaıdy almaty-akshamy.kz QR Qorǵanys mınıstrliginiń baspasóz qyzmetine silteme jasap.
Paıdalanýshylar áskerı polısıa organdaryna elektrondyq formatta orny men ýaqytyna, tergeý júrgizilýine, sondaı-aq habarlanatyn málimetterdiń tolyqtyǵyna qaramastan, jasalǵan nemese jasaýǵa árekettenip jatqan kez kelgen quqyqbuzýshylyq týraly tikeleı habarlamalardy joldaı alady. Saıtta mobıldi qosymsha barlyq Android jáne IOS qurylǵylaryna ornatylyp, qosa jumys isteıdi. Qosymshany askeri-senim.kz saıtynan júktep alýǵa bolady. Áskerı polısıa bas basqarmasy málimdegendeı,
«Áskerı senim» jobasy armıadaǵy quqyqbuzýshylyq, habarlamalardy qabyldaý, esepke alý jáne baqylaý prosesin avtomattandyrý, quqyq buzýshylyqty jasaý faktilerine den qoıý sapasy men jedeldigin arttyrý jáne olardan saqtandyrý týraly jańa aqparat kózderin engizý maqsatynda ázirlendi. Paıdalanýshy jeke kabınette taǵaıyndalǵan jaýapty laýazymdy adammen jasyryn hat almasý, statýsy men jaýaptardy qadaǵalaı alady. Ótinish statýsynyń ózgergeni, jaýapty laýazymdy adamnyń taǵaıyndalǵany jáne onyń jaýaptary týraly ózekti derekter elektrondyq poshtaǵa kelip túsedi.
Paıdalanýshylarǵa yńǵaıly bolý úshin jeke kabınette dıalogtardy izdeýge jáne retteýge bolady.