Ashyq júıesi óziniń tıimdiligin kórsetti.
Almaty turǵyndary karantın sharalaryn buzǵan jaǵdaıda ákimshilik jaýapkershilikke tartylady. Bul týraly Óńirlik komýnıkasıalar qyzmetiniń baspasóz konferensıasy barysynda Almaty qalasy Sanıtarlyq-epıdemıologıalyq baqylaý departamentiniń basshysy Jandarbek Bekshın aıtty, dep habarlady Almaty-akshamy.kz.
Jandarbk Bekshınniń aıtýynsha, Ashyq jobasy qosylǵaly beri kásipkerlik nysandarǵa kirgen kezde skanerleý nátıjesinde «qyzyl» mártebesi bar 670 qala turǵyny anyqtaldy. Al «sary» mártebesi bar 178 turǵyn rastaldy.
Jandarbek Bekshın qala turǵyndary arasynan «qyzyl» men «sary» mártebesi bar azamattarǵa mysal keltirdi. Jalpy, 156 «qyzyl» mártebe men 40 «sary» mártebe fıtnes ortalyqtary men baseınderdiń kireberisterinde anyqtaldy.
Qoǵamdyq tamaqtaný nysandarynda 275 «qyzyl» mártebesi bar, 54 «sary» mártebesi bar, 88 «qyzyl» mártebesi bar qala turǵyny áýejaıǵa kire beriste anyqtaldy. Sondaı-aq 21 «sary» mártebesi bar, 70 «qyzyl» mártebesi bar adam kınoteatrǵa kire beriste jáne 34 «sary»mártebesi bar turǵyndar rastaldy.
Jandarbek Bekshınniń aıtýynsha, Ashyq júıesi óziniń tıimdiligin kórsetti.
«Sizder jobanyń arqasynda karantındik sharalardy saqtamaıtyn adamdardyń anyqtalǵanyn bilesizder. Bul júıe azamattar men qalanyń qaýipsizdigine baǵyttalǵan», – dedi Jandarbek Bekshın.
Mysaly, «qyzyl» mártebesi bar Almatynyń 8 turǵynyna karantın rejımin buzǵany úshin 30 AEK aıyppul salyndy. Bul 90 myń kólemdegi teńge. Tártip buzýshylar Almaty qalasynyń Alataý, Almaly, Bostandyq, Medeý men Túrksib aýdandarynyń turǵyndary.