Bilim jáne ǵylym mınıstri Asqat Aımaǵambetov mektepte oramal taǵý máselesine qatysty oıyn aıtty. Bul týraly vedomstvo basshysy BAQ-qa bergen suhbatynda kóterdi, dep habarlaıdy Almaty-akshamy.kz Baq.kz-ke silteme jasap.
Aımaǵambetov mektepterde oramal taǵý máselesi tek bizdiń elde ǵana emes, basqa da birqatar elde únemi qyzý talqylanyp kele jatqanyn aıtty.
"Biraq Qazaqstan – zaıyrly memleket jáne mektep te zaıyrly mekeme. 2016 jyly qabyldanǵan buıryqta talaptar kórsetilgen. Degenmen ártúrli toptardyń ınklúzıvtiligin qamtamasyz etý mańyzdy ekenin kórip otyrmyz. Mysaly, basyna oramal taǵý múmkindigi bolmaǵandyqtan ata-anasy sabaqqa jibermeıtin qyzdardyń máselesin alyp qaraýǵa bolady. Osyndaı sebepterge baılanysty balalar mektepke barmasa nemese qashyqtan oqýǵa kóshýge májbúr bolsa, onda ol keri áserin tıgizedi. Jalpy biz ınklúzıvti qoǵam bolýymyz kerek", - delingen mınıstrliktiń baspasóz qyzmeti taratqan habarlamada.