Jarystyń ekinshi kúni Almaty oblysynyń sportshysy dóńgelek stend jattyǵýynda úzdik atandy
22 mamyr kúni Almaty oblysy İle aýdany Baıserke aýylyndaǵy Asanov atyndaǵy atý klýbynda stend atýdan álem kýbogi bastaldy, dep habarlaıdy Almaty-akshamy.kz Azattyq Ruhy-na silteme jasap.
Saıysta 38 mergen baq synady.
Fınalǵa úzdik 6 sportshy shyǵyp, Ásem Orynbaı birneshe aınalymda upaı sany boıynsha birinshi satyda turdy. Aqtyq synda Úndistan ókili G.Sıhonmen jekpe-jekte alǵashqy múmkindikten-aq jeńimpaz atandy.
Bul jeńiste Ásem Orynbaı Parıj-2024 Olımpıadasynyń joldamasyna qol jetkizdi. Ereje boıynsha lısenzıalyq álem kýboginde alǵan upaılar jınaqtalyp, eń kóp upaıǵa qol jetkizgen sportshylar Olımpıadaǵa irikteledi.
Bedeldi básekege 42 elden 300 sportshy qatysyp jatyr. Jarys 28 mamyrǵa deıin jalǵasady.