Asanáli Áshimuly stýdent kezden bastap kúndelik jazýdy daǵdyǵa aınaldyrǵan. Ókinishke oraı, sol tustaǵy jazyp júrgen onshaqty dápteri qoldy bolyp ketken. Asanáli Áshimulynyń kúndelikteri kezinde «Almaty aqshamy» gazetinde birneshe jyl jarıalanyp, oqyrmannyń ystyq yqylasyna bólendi. Almaty-akshamy.kz saıty búginnen bastap sol kúndelikterdi jarıalap otyrady.
9.02.84
Andropov qaıtys boldy. Qaratal aýdanynda /Úshtóbe/ kórermendermen kezdesýim ótti.
13.02.84
Teatrǵa keldim. Jumys ónbedi. Kınostýdıada boldym. Erik Asqarov keldi. Men týraly kitap jazbaqshy. Baseınge baryp Saǵı ekeýmizge ruqsat qaǵazyn aldym.
15.02.84
Teatrǵa keldim. Shahmattan týrnır ótip jatyr. Men 82-jyldyń chempıony edim.
16.02.84
Baseınge bara almadyq. Sh.Jánibekovpen telefonnan Aımanovtyń ıýbıleıi týraly sóılestik. Qazir jalpy Shákeńniń 70 jyldyq toıyn durystap ótkizý kerek bop tur.
17.02.84
Eldar Shákeńniń toıyna kelmegen edi. Aýyryp qalypty. “Almaty” qonaq úıinde jatyr eken, soǵan baryp jolyqtym. Osetınskıı kelip berekeni alǵan soń, ketip qaldym. Búgin Shákeńmen kezdeskenime 10 jyl bolǵan kún eken.
18.02.84
Baseın. Teatrǵa kelsem Rahmetbaıdyń “Jalynǵa” Shákeń týraly esteligi shyǵypty. Saǵıdy bir jartyǵa túsirip tur eken.
21.02.84
Káýkeń ekeýmiz birigip “Qazaqstan” restoranynda 50-60 adamǵa Shákeńe arnap qonaqasy berdik. Men tamada boldym. Jaqsy ótken sıaqty.
22-23.02.84
Imashev Sattar qaıtys boldy.
26.02.84
Baıanaýylda, Shákenniń týǵan jeri Aımanbulaqta boldyq. Óte kórkem jer ǵoı. Qýat Máshhúr-Júsiptiń óleńderin oqydy. İshinde azdap boqaýyz sózderi bar eken. Tólen Ábdikov ekeýmiz ábden kúldik.
29.02.84
“Almaty” sanatorııine kelip ornalastym. Muhtar Shahanovty jolyqtyrdym. “Shoqan” fılmin túsirip júrgen kez edi. Muhtarǵa Shoqan týraly ballada jazýyn suradym.
1.03.84
Sanatorııdemin. Bólek zalda Tansúra degen saýda mınıstrimen bir stolda otyrdym.
2.03.84
Bılárdtan bir-eki kisini uttym. Tansúra bólmesine armán konágin ishýge shaqyrdy. Ózi menimen túıdeı jasty eken.
8.03.84
Búgin – Tólegen Aıbergenovtiń týǵan kúni. Aqyndar jylda jınalyp eske alady eken. Bul — jaqsy dástúr dep bilemin.
Búgin túsimde Shákeńdi kórdim. Maǵan qońyr, ádemi tigilgen pıdjagin syılap jatyr. Pıdjakti ashqanda óziniń ádemi portreti bar eken. Muny Muhtarǵa jorytyp edim, “keremet eken” dedi.
Shynynda jaman tús bolmasa kerek.
9.03.84
Búgin eshqaıda shyqpadym. Muhtar maǵan “Mahabbatty syılaý” degen jınaǵyn usyndy. Onda “Aseke!
Ónerine eli bergen baǵasyn,
Darqan keýde, kúmis saqal aǵasyń,
Birte-birte kúmistener shashyń da,
Kóbeıedi dostaryń da, qasyń da,
Óıtkeni sen kerek jansyń ǵasyrǵa!
– depti” Túnimen Muhtardyń óleńder jınaǵyn oqyp, saǵat 1.00-de jattym. Júregim bir túrli aýyryp, kópke deıin uıyqtaı almaǵan soń turyp dári ishtim.
10.03.84
Qar qalyń jaýdy. Baseınge baryp kelip, bir chempıonmen 9 ret bılárd oınadym. Jas kezińde erke ósken bolsa kerek. Fýtboldan SSSR chempıonaty bastaldy.
11.03.84
Qar tizeden jaýǵan. Naǵyz qys. Tansúra meni bılárd oınaýǵa shaqyrdy. İshi kepkenshe uttym. Úıine kirip 100 gr. araq ishtik.
13.03.84
Kóńil-kúı asa máz emes. Búgin saǵat 16.30-da Muhtar Shahanovpen kezdesý bolady. Soǵan baratyn shyǵarmyn. Mundaı sharýany Muhtar jaqsy kóredi. Men kerisinshemin. Bul jaqsy ma, jaman ba bilmeımin. Múmkin jaman bolar.
17.03.84
Áli demalys úıindemin. Ábý Sársenbaevqa bir kisiler kelgen eken, telefondap shaqyryp aldy. Zeınolla Qabdolov boldy. Sózdiń maıyn tamyzady-aý.
Búgin Tyńǵa – 30 jyl.
20.03.84
Búgin munda menimen kezdesý ótti. Úıden Maıra men Saǵı keldi. Muhtar alǵysózben bastady. Kesh óte jaqsy ótti. Ásirese Zeınolla Qabdolovtyń alǵan áseri kúshti eken.
23.03.84
Búgin kúni boıy alma jedim. Keshkisin teatr. “Qozy Kórpesh..”. Qodardy oınaımyn. Spektáklge Maıra men Kúlásh keldi. “Burynǵydaı emes, aýyrlap qalypsyń, sheberlikpen alyp júrsiń” degendeı aıtty. Onysy durys. 1971-1984 jyldardan beri oınap kelemin. Sanatorıge kelgen bette kók shaıdy urdym.
24.03.84
Ashım Arzıev /Uıǵyr aýdanynyń birinshi sekretary/ bólmesine shaqyryp, bas qoıdy. Úıden Saǵıdy shaqyryp aldym.
Úıdemin. Óz úıiń, óleń tósegińe jetetin ne bar?! Onyń ústine Maıra sıaqty hozáıkań bolsa, kóz tımesin. Maıra degender altyn ǵoı. Qudalardy /Saǵı jaǵynan/ shaqyrýǵa daıyndalyp jatyr.
26.03.84
Máskeýdemiz. Shákeńniń 70 jyldyǵyn ótkizýge keldik.
...Rollan Seısenbaev ańqyldaǵan jaqsy jigit sıaqty, biraq óte sarań bolý kerek.
28.03.84
Q.S. egoıst jigit, ne ishpeıdi, strashnyı karerıst bolyp shyqty. Tiregi myqty, aqyly shamaly jigit eken.
29.03.84
...Qazaqtyń basy qosylsa araq ishetin bir aýrýǵa tap boldyq. Samolettiń ishinde de solaı.
16.04.84
Jazýshylar odaǵyna bardym. Ǵabeń óz esebinen bılárdtan týrnır ótkizip jatyr eken.
Keshkisin úıge erterek keldim. Men erte kelsem úıdegiler qýanyp qalady. Maıra ár ýaqytta úıde kútedi. Maǵan mundaı altyn áıel bergen Qudaıǵa myń da bir rahmet.
17.04.84
Birinshi ret Moıynqum aýdanyna sapar shektim. Jaqsy qarsy aldy. Raıkomnyń birinshi sekretary Aıtbaı Nazarbekov óte tamasha adam kórindi. Aqqozıev /oblıspolkom tóraǵasy/ ýákil bolyp kelip jatyr eken.
28.04.84
Qustardyń 8600 túri bar eken.
1.05.84
“Araq ish” dep qınaý jóninen qazekeń birinshi orynda ǵoı.
2.05.84
Saǵı, Kúlásh, Maıra tórteýmiz Shákeń men Hadısha apaıdyń basyna baryp, Quran oqydyq. Tastary qısaıyńqyrap qalypty. 70 jyldyǵynda asyǵys salǵandyqtan bolsa kerek.
3 maı - 10 maı. 84
Máskeý. Máskeýlikter qyzyq, onyń ishinde qazaqtar qyzyq, qazaqqa orys bolý jaraspaıtynyn túsinbeıdi.
13-15 maı
Qyrǵyz teatrynyń ashylýy boldy. Qonaev aqsaqal keldi. Búgin Maıranyń týǵan kúni edi, men asyǵyp ketip qaldym.
16.05.84
Ázekeń ekeýmiz Frýnze shaharyna tarttyq. Nashar qarsy aldy. Úsibálıev degen birinshi hatshysy kelmedi. “Qaragóz” spektaklimen ashtyq. Aıtmatov boldy. Óte úlken dıplomat adam ǵoı.
17-18-19-20.05.84
Kún birde ystyq, birde sýyq. Men aýyryp qaldym. Tilektestiń, Ánýardyń týǵan kúnderi boldy. Jalpy maı aıy týǵan kúnderge toly.
23-24.05.84
Súrensiz kúnder. Ómirbek Joldasbekovke Turattyń Aıtý degen balasyn oqýǵa túsirý jaıyn sóılestim. Oǵan men týraly bireý ósek aıtypty. “Ómirbek araqty kóp ishedi” dep bireýlerge men aıtqanǵa uqsaımyn. Shirkin-aı, óziń aıtyp ólseń arman bar ma!
1.06.84
Búginnen bastap Shoqannyń 4-shi serıasyna kirisemiz. Igor, Ábdirashıt úsheýmiz semkaǵa jer qaradyq. Tezek Tóreniń aýylyn “Shoqan” kolhozynda túsirýdi uıǵardyq.
19-20-21-22.06.84
4 serıaǵa akterlerge proba jasadyq.
H.Erǵalıev — Súıinbaı
S.Sanbaev — Tezek
S.Orazbaev — Tezek
Á.Moldabekov — Tezek
5-6-7-8.06.84
Úkimetimiz Shoqan, Abaı sekildi uly adamdarǵa az kóńil aýdarady. Sátbaevtyń 80 jyldyǵyn nemquraıly ótkizdi.
Alaýyzdyq asqyna túsken kez bop tur!
“Qazaqfılm” stýdıasy odaqtaǵy bir beıshara stýdıanyń biri. Oǵan sebep basshylary bos belbeý