Uıymdasqan qylmysqa qarsy kúres boıynsha is-sharalar jalǵasýda.
UQK asa qaýipti 15 qylmystyq topty ustady, dep habarlaıdy Almaty-akshamy.kz
"2023 jyly UQK polısıa organdarymen birlesip 15 asa qaýipti uıymdasqan qylmystyq toptyń jolyn kesti. Tintý kezinde top múshelerinen atys qarýy, aqsha, esirtki zattary men olardyń quqyqqa qaıshy áreketteriniń ózge de zattaı dáleldemeleri alyndy", - delingen habarlamada.
Komıtet taratqan málimetke qaraǵanda, jalpy kisi óltirý, tonaý, bopsalaý, qaraqshylyq jáne basqa aýyr qylmystar jasady degen kúdikpen 98 adam ustalyp, olardyń 40-y sottalǵan.
Qalǵandaryna qatysty áli sotqa deıingi tergeý júrgizilip jatyr. Uıymdasqan qylmysqa qarsy kúres boıynsha is-sharalar jalǵasýda.
Byltyr 22 jeltoqsanda Ulttyq qaýipsizdik komıteti shetelge ushyp ketpek bolǵan radıkaldyń ustalǵany jóninde aqparat taratqan edi.