Peugeot kóligi bar bolǵany 939 myń teńge turady
Almaty qalasynyń polısıa departamenti avtokólikterdi satylymǵa shyǵardy, dep habarlaıdy aqshamnews.kz
Saýdaǵa patrúldik kólikter, mıkroavtobýstar jáne basqa da qyzmettik kólikter qoıyldy. Almaty qalasy memlekettik aktıvter basqarmasy elektrondyq saýda alańyna polısıa departamentine tıesili 28 lot ornalastyrdy.
Satylymǵa Ssang Yong, Volkswagen, Peugeot markaly qyzmettik kólikter men Iveco mıkroavtobýstary qoıylǵan. Bastapqy baǵa jeńil avtokólikter úshin 3,1 mıllıon teńgeden bastalady, al mıkroavtobýstar úshin 12,3 mıllıon teńgege deıin jetedi. Jalpy lottardyń quny 210 mıllıon teńgeden asady.
Alaıda bul kólikterdiń barlyǵy baǵany tómendetý aýksıony arqyly satylatyndyqtan, olardy arzanyraq satyp alýǵa múmkindik bar. Mysaly, patrúldik Peugeot úshin mınımaldy baǵa 939 myń teńgeni quraıdy (bastapqy baǵa 5,6 mıllıon).
Eń qymbat Iveco mıkroavtobýsynyń mınımaldy usynylǵan baǵasy eki mıllıon teńge.