Elorda soty apelásıalyq shaǵym boıynsha Ulttyq mýzeıdiń burynǵy dırektory Arystanbek Muhamedıulyna qatysty qylmystyq isti qaıta qolǵa aldy, dep habarlaıdy Almaty-akshamy.kz.
«2023 jylǵy 20 maýsymda sottalýshylardyń qorǵaýshylarynyń atynan túsken apelásıalyq shaǵym negizinde A. Muhamedıuly, A. Nurazhan, A. Sádýaqasova jáne A. Kóshenovke qatysty qylmystyq is qaıta qaralady», - dedi sýdıa Murat Erkinbekuly.
Aıta keteıik, sot otyrysynda A. Muhamedıulynyń úsh sybaılasynyń (A. Nurazhan, A. Sádýaqasova jáne A. Kóshenov) isi birge qaıta qaralyp jatyr.
Sondaı-aq, sýdıa sot otyrysynyń ashyq formatta, ıaǵnı, qatysýshylarǵa shekteý qoıylmaıtynyn aıtty. Sottalýshylardyń advokaty men qorǵaýshylary óz ótinishterin bildirip, sot otyrysyn keıinge shegerýdi usyndy.
Eske salaıyq, Ulttyq mýzeıdiń burynǵy dırektory Arystanbek Muhamedıuly 2022 jyly 28 mamyrda qamaýǵa alyndy.
Oǵan «Altyn adamnyń álem mýzeılerine sherýi» halyqaralyq kórmesin ótkizý kezinde memlekettik satyp alý týraly shart aıasynda búdjet qarajatyn jymqyrdy degen aıyp taǵyldy.
Aıta ketsek, sot barysynda Arystanbek Muhamedıuly óz kinásin moıyndamady.
Bıyl 20 maýsymda sot úkimimen Arystanbek Muhamedıuly 8 jylǵa bas bostandyǵynan aıyryldy.
Sonymen qatar elorda soty onyń sybaılastaryna da úkim shyǵardy. Ulttyq mýzeıdiń burynǵy basshysynyń 3 sybaılasy da 7 jylǵa sottaldy.
Eske salaıyq, bıyl 26 shildede Arystanbek Muhamedıulynyń qorǵaýshysy sotqa isti qaıta qaraý týraly apelásıalyq shaǵym túsirgen edi.
Atalǵan sot otyrysynyń jalǵasy 14 qyrkúıek kúni saǵat 9:30-da ótedi.