Almatyda Mádenıet jáne aqparat mınıstrliginiń qoldaýymen birinshi Jańa medıa forým jumysyn bastady, dep habarlaıdy Almaty-akshamy.kz 24.kz-ke silteme jasap.
Forýmǵa jınalǵan spıkerler – sıfrlyq kontent avtorlary men óndirýshileri, memlekettik qyzmetkerler men ınvestorlar zamanaýı syn-qaterlerdiń qoǵamǵa tıgizetin áserin talqylaıdy. Alǵashqy forýmnyń arqaý etken júgi aýqymdy.
«Forýmnyń negizgi maqsaty - jańa medıa alańda ózekti máselelerdi talqylaý jáne de kontent jasaýshy avtorlardyń, blogerlerdiń, medıa-menedjerlerdiń, jýrnalıserdiń pikirin tyńdaý. Kúni keshe ǵana onlaın platformaǵa baılanysty zań kúshine engen bolatyn. Zańnyń kúshine enýi medıa salasynyń taǵy bir deńgeıge kóterilgenin bildiredi», - deıdi New media forum uıymdastyrý komıtetiniń múshesi Bıbigúl Qulaman.