Burynǵy mádenıet jáne sport mınıstri, Ulttyq mýzeıdiń burynǵy dırektory Arystanbek Muhamedıulyna qatysty taǵy bir sot otyrysy ótip jatyr. Bul joly burynǵy sheneýnik reıderlik jasady degen kúdikke ilindi, - dep habarlaıdy almaty-akshamy.kz Massaget.kz-ke silteme jasap.
Aıyptaý nusqasyna sáıkes 2019 jyly materıaldyq kómek alý úshin ıeliginde Astanada ornalasqan "Dıplomat" qonaqúı kesheni bar kásipker K. eks-sheneýnik Muhamedıulyna júgingen. Muhamedıuly kommersantqa 2,5 mıllıard teńge berýge kelisken, alaıda onyń ornyna JSHS kapıtalynan qaıyn enesine 71 paıyz rásimdeýdi suraǵan. Tergeý málimetinshe, eks-sheneýnik sol kezde-aq qonaq úıdi qolyna alý josparyn oılastyrǵan.
Mámile jasalǵannan keıin burynǵy sheneýnik qonaqúıge únemi bara bergen, onda qyzmetkerlerge teń ıelerdiń biri retinde tanystyrylǵan. Ári qaraı Muhamedıuly kásipker K.-den qalǵan 29 paıyzyn berýdi talap etken, alaıda kásipker bas tartqan. Sodan keıin Muhamedıuly "Dıplomat" qyzmetkerlerine JSHS dırektoryn qonaqúıge kirgizbeý týraly buıryq beredi. Sonymen qatar, seriktestik qatysýshylarynyń jalpy jınalysynyń hattamasy qoldan jasalyp, onda seriktestik dırektory Muhamedıulyna baılanysty tulǵaǵa aýystyrylady.
Arystanbek Muhamedıuly sotta taǵylǵan aıyppen kelispeı, jábirlenýshini saıasatker Mark Iýnıýs Brýtpen, al ózin Gaı Iýlıı Sezarmen salystyrǵan jalyndy sóz sóıledi.
"Rım ımperıasynyń tarıhynan Mark Iýnıýs Brýt búkil adamzat tarıhynda aılakerlik pen zulymdyqtyń sımvoly retinde qalǵanyn jaqsy bilemiz. Al Gaı Iýlıı Sezar Brýttyń zulymdyǵyna qaramastan, tarıhta "sen Brýtsyń" degen sózdiń avtory retinde qaldy" - dedi Muhamedıuly.
Muhamedıulynyń pikirinshe, sýdıa tarıhta Gerakl retinde qalady.
"Avgıı patshanyń qoralaryn kóńnen tazartqan ejelgi batyr Gerakl sıaqty osy sot isindegi zulymdyq pen ótirikti tazalaıtynyńyzǵa senimdimin", - dedi ol sýdıaǵa.