2022 jyly Open Almaty ákimdiginiń qoǵamdyq qabyldaýyna sý basatyn aýmaqqa qatysty 1 myńnan astam ótinish kelip tústi.
Memleket basshysy Erbolat Dosaevtyń qatysýymen ótken Almaty qalasyn damytý jónindegi keńes barysynda atap ótkendeı, sý basýdyń negizgi sebepteri bitelgen aryqtar, aryq júıesiniń bolmaýy, jóndeý jumystarynyń aıaqsyz qalýy bolyp otyr, dep habarlaıdy Almaty-akshamy.kz.
«2022 jyldyń birinshi jartyjyldyǵynda Almatyda tekserý júrgizilip, turaqty sý basatyn 102 aýmaq anyqtaldy. Búginde eń mańyzdy 71 ýchaske joıyldy. 2023 jyldyń sońyna deıin qalǵan 31 aýmaqta jumys aıaqtalady. Qazir nóser kárizi boıynsha 376 shaqyrym aryq jelilerin qaıta jańartý jáne salý jumystary júrgizilýde, ol 2024 jyldyń sońyna deıin aıaqtalady», – dedi Almaty ákimi.
Jalpy, onyń aıtýynsha, aryq júıesin qalpyna keltirý jáne damytý sý basý jáne sýarýmen qamtamasyz etý máselelerin sheshýge múmkindik beredi.