Almatyda tehnıkalyq baıqaý stansıalarynyń jaýapkershiligin kúsheıtý usynylady Aýa sapasy máselesi Almaty úshin asa mańyzdy bolyp qala beredi.
QR Prezıdenti Qasym-Jomart Toqaevtyń qatysýymen ótken keńeste ákim Erbolat Dosaev avtokólikti tehnıkalyq baıqaýdan ótkizýdiń qazirgi tártibi belgilengen ekologıalyq normalardyń buzylýyna ákep soqtyratynyn atap ótti, dep habarlaıdy Almaty-akshamy.kz. Sondyqtan, onyń aıtýynsha, tehnıkalyq baıqaý stansıalary qyzmetiniń ruqsat berý tártibin engizý jáne olardyń jaýapkershiligin kúsheıtý usynylyp otyr.
«Jalpy, avtokólik otynynyń sapasyn baqylaýdy kúsheıtý, avtomobılderdiń paıdalanylǵan gazdaryn avtomatty rejımde baqylaý boıynsha halyqaralyq tájirıbeni engizý, shyǵaryndylary tómen aımaqtardy qurý usynylady. Almaty qalasynyń máslıhatyna atmosferalyq aýany qorǵaý qaǵıdalaryn bekitý jónindegi quzyretti berý usynylady. Úkimetten Almaty qalasy ákimdiginiń bastamalaryn qoldaýdy suraımyz», - dedi Erbolat Dosaev.