Artsport platformasynyń fýnksıonalynyń jumysynda da eleýli olqylyqtar anyqtaldy
Almaty qalasynyń prokýratýrasy Artsport baǵdarlamasy arqyly balalardyń sporttyq jáne shyǵarmashylyq tapsyrystaryn qarjylandyrý kezinde zańdylyqtyń saqtalýyna tekserý júrgizýde, dep habarlaıdy Almaty-akshamy.kz.
2021 jyldyń mamyr aıynan bastap Almatyda baǵdarlamany júzege asyrýǵa 12,8 mlrd teńge bólindi.
Prokýrorlyq tekserýdiń aldyn ala nátıjeleri birqatar zań buzýshylyqtardy anyqtady.
Búdjet qarajatyn jymqyrý boıynsha qylmystyq sqemalar anyqtaldy. Atap aıtqanda, elden tys jerde, aýrýhanada bolǵan jáne seksıalar men úıirmelerge múldem qatyspaǵan 2000-nan astam balaǵa oryndalǵan jumystar aktileri usynyldy. Ótkizilgen sabaqtardyń sany 5000-nan asady.
Tek 935 Artsport qatysýshysy is júzinde sport mektepterinde aınalysady.
Balalarmen jumys isteıtin, buryn sottalǵan jáne túrli qylmystar úshin jaýapqa tartylǵan 13 jattyqtyrýshy anyqtaldy.
Bul rette eńbek sharttaryn jasaspaǵan, zeınetaqy aýdarymdary júrgizilmegen jattyqtyrýshylardyń ózderine qatysty da eńbek quqyqtaryn buzýǵa jol beriledi.
Atalǵan faktiler boıynsha qala prokýratýrasy alaıaqtyq faktisi boıynsha qylmystyq is qozǵady.
Birqatar materıaldar prosestik sheshim qabyldaý úshin qylmystyq qýdalaý organdaryna berildi.
Budan basqa, Artsport platformasynyń fýnksıonalynyń jumysynda da eleýli olqylyqtar anyqtaldy. Ol memlekettik organdardyń aqparattyq júıelerimen biriktirilmegen, balalardyń derbes derekteri qorǵalmaǵan, basqa da kemshilikter bar.
Qazirgi ýaqytta mamandardy tarta otyryp, tekserý júrgizilýde.