Aıyppul 1,3 mlrd teńge kóleminde.
Qaraǵandy oblysy Memlekettik kirister departamenti «ArselorMıttal Temirtaý» AQ-ny ákimshilik jaýapkershilikke tartty, dep habarlaıdy Almaty-akshamy.kz Zakon.kz-ke silteme jasap.
Qaraǵandy oblysy boıynsha Memlekettik kirister departamenti «ArselorMıttal Temirtaý» AQ-nyń avans tólemderiniń somasyn tómendetip kórsetý faktisin anyqtady. 2017 jylǵy monıtorıń barysynda korporatıvtik tabys salyǵy boıynsha avans tólemderi somasynyń naqty eseptelgen salyqtan tómen baǵalanýy anyqtaldy.
«Osyǵan baılanysty QR ÁQBtK-niń 278-babynyń 3-tarmaǵy boıynsha 1,3 mlrd teńge somasynda ákimshilik aıyppul somasynda ákimshilik materıal toltyryldy. Materıaldar ákimshilik sotqa joldandy», - delingen habarlamada.
21 jeltoqsanda Qaraǵandy oblystyq soty «ArselorMıttal Temirtaý» AQ-nyń shaǵymyn qarady. Alaıda ákimshilik aıyppul ózgerissiz qaldyryldy.
3 qarashada Qaraǵandy oblysyndaǵy Lenın gaz drenajdyq uńǵymalardy burǵylaý kezinde kenetten gaz shyǵyp, keıin tonnelde órt bolǵan. Oqıǵa kezinde kásiporynnyń 106 qyzmetkeri jer astynda bolsa, onyń 101-i qaýipsiz jerge kóshirildi.
Qýatty jarylys saldarynan bes metalýrg qaza taýyp, taǵy tórteýi shuǵyl aýrýhanaǵa jatqyzyldy. Atalǵan fakti boıynsha QR Qylmystyq kodeksiniń 277-babynyń 3-bóligi («Taý-ken nemese qurylys jumysy kezinde qaýipsizdik erejesin buzý») boıynsha tergeý amaldary bastaldy.
Qaraǵandy oblysynyń densaýlyq saqtaý basqarmasy shahtadaǵy apattan zardap shekkenderdiń aldyn ala dıagnozy metan gazdan ýlanǵanyn habarlady.
10 qarashada QR Premer-Mınıstri Álıhan Smaıylov Senattyń jalpy otyrysynda «ArselorMıttal Temirtaý» kompanıasyna qatysty qoldanylyp jatqan sharalar týraly aıtty.