Búgin Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna joldaýyn jarıalady, - dep habarlaıdy Aqshamnews.kz tilshisi.
Prezıdenttiń aıtýynsha, elimizdegi basty máselelerdiń biri – joǵary ınflásıa.
Toqaev Úkimet pen Ulttyq bank bir komanda bolyp jumys isteýge tıis ekenin aıtty.
"Qazirgi basty másele: joǵary ınflásıa ekonomıkalyq kórsetkishter men halyqtyń tabysyn "jutyp qoıyp" jatyr. Onyń daıyn turǵan sheshimi joq, bul – kóptegen memleket betpe-bet kelip otyrǵan túıtkil. Másele bárine ortaq bolǵanmen, ol bizdiń jaǵdaıda aıryqsha sezilip otyr.
Osy makroekonomıkalyq qursaýdan shyǵýymyz kerek. Qıyndyqtar kúni keshe ǵana paıda bolǵan joq. Ony sheshý úshin álemdegi ozyq tájirıbelerdi eskerip, jurtqa unaı bermeıtin sharalar qabyldaýǵa jáne onyń jaýapkershiligin kóterip alýǵa daıyn bolý qajet.
Úkimet pen Ulttyq bank memlekettik aýqymdaǵy mindetti aldyna qoıǵan birtutas komanda retinde jumys isteýi kerek. Qazir árkim kórpeni ózine qaraı tartatyn kez emes"