180 tonnadan asa sýmen 2500 ga jerdi jalmaǵan órtti sóndirdi
Semeı qalasyndaǵy áýe bazasynyń tikushaqtary Tótenshe jaǵdaılar mınıstrliginiń Shyǵys óńirdegi orman órtin sóndirý jónindegi óńirlik bólimshelerine kómek kórsetýge jumyldyryldy, dep habarlaıdy Almaty-akshamy.kz.
Bıylǵy jylǵy 7-13 qyrkúıek aralyǵynda Shyǵys Qazaqstan oblysynyń Marqakól, Katonqaraǵaı, Altaı aýdandaryndaǵy orman órtin oqshaýlaý jáne órttiń taralýyna jol bermeý maqsatynda Semeı qalasyndaǵy avıasıalyq bazanyń Mı-17 eki tikushaǵy tartyldy.
Bir apta ishinde áskerı avıasıa arnaıy sý shashatyn qurylǵyny paıdalana otyryp, 180 tonnadan asa sýmen 2500 ga jerdi jalmaǵan órtti sóndirdi.
Óńirdegi jaǵdaı turaqtanǵannan keıin áskerı qyzmetshiler men jaýyngerlik tehnıka turaqty ornalasý pýnktine oraldy.