Eń joǵary jalaqy usynatyn óńirler – Atyraý oblysy men Nur-Sultan, Almaty qalalary
Eńbek mınıstrligi elektrondy eńbek bırjasyndaǵy joǵary jalaqyly bos jumys oryndary týraly aqparat jarıalady, dep habarlaıdy Almaty-akshamy.kz.
Habarlamaǵa sáıkes, jalaqy óńirler men mamandyqtar boıynsha ár túrli bolady. Máselen, Atyraý oblysynda eń joǵary eńbekaqy usynylǵan. Óńirde ónerkásiptik álpınıser úshin 824 myń teńge jalaqy alatyn 20 bos jumys orny ornalastyryldy.
Al Nur-Sultan jáne Almaty qalalarynda, sondaı-aq Almaty jáne Shyǵys Qazaqstan oblystarynda jumys berýshiler memlekettik organdardaǵy qurylymdyq bólimshelerdiń basshylaryna 500 myńnan 730 myń teńgege deıin jalaqy usynady.
"Eń joǵary jalaqy kútýleri ǵylymı qyzmetkerler arasynda baıqalady – 2,7 mln teńge, bas dırektorlar – 2,3 mln teńge, avıasıa ınjenerleri – 1,6 mln teńge, kenishter dırektorlary – 1,5 mln teńge jáne qosymshalardy ázirleýshiler-1,2 mln teńge. Bul rette jumys berýshiler elektrondy eńbek bırjasynda eńbekaqynyń joǵary mólsherin memlekettik uıymdardyń basshylaryna – 640 myń teńge, bas tehnologtar men qarjylyq táýekel – menedjerlerge – 500 myń teńge usynady", – delingen Eńbek mınıstrliginiń habarlamasynda.