Almaty qalasy Qoǵamdyq damý ortalyǵynyń bastamasymen «Almaty tulǵalary» jobasy aıasynda SmArt.Point kovorkıng - ortalyǵynda Almaty qalasy máslıhatynyń depýtaty, belgili sportshy jáne paraolımpıadashy - Serik Esmatovtyń jastarmen kezdesýi ótti,dep habarlaıdy aqshamnews.kz
Serik Esmatov - Qazaq týrızm jáne sport Akademıasynyń túlegi, 2013 jyly Malaızıada ótken iri halyqaralyq jarystardyń jeńimpazy, voleıboldan Qazaqstan jastar quramasynyń eks-kapıtany, Qazaqstan sportshylary arasynda voleıboldan birinshi paralımpıadalyq týrnırdiń qola medaliniń ıegeri, «Qazaqstannyń 100 jańa esimi» jobasynyń jeńimpazy, Almaty qalasy máslıhatynyń depýtaty. 
İs-sharanyń maqsaty - óz salasynda jetistikke jetken tulǵalardyń úlgisimen jastardy yntalandyrý, qandaı jaǵdaı bolmasyn óz salasynyń mamany bolýǵa umtylý, patrıotızm men azamattyq belsendilik sezimin tárbıeleý, eshqashan berilmeýdi úırený.
«Men ózimniń 26 jasyma deıin kóptegen ómir belesterinen óttim. Almatyda týyp óstim. Birqatar úıirmelerge qatystym. Matematıkaǵa jaqyn boldym. Sonymen birge boks, sýǵa júzý, voleıbol sıaqty túrli sportqa qatystym. Mektepte belsendi boldym. Jas kúnimnen eńbekke aralastym. Qoǵamnyń belsendi isterine qatynastym. Ómirde bıik belesterge umtylǵandar árdaıym jetistikke jetedi, - dedi Almaty qalasy máslıhaty depýtaty Serik ESMATOV.
Sonymen qatar kezdesýge ár salanyń ókilderi, ár sanattaǵy jastar qatysty. Oraıly sátti paıdalanyp, oı-pikir bildik.
«Bul kezdesýdiń máni zor. Jastarǵa motıvasıa beredi. Sondaı-aq kezdesý qonaǵy Serik ESMATOV tyń ómir joly, jetistikteri kóp úlgi-ónege. Bul jıynǵa kelgen stýdentter, ár saladaǵy jas órender ózderiniń aldynda myqty, qaısar, alǵa umtylǵan talapty, talantty adam bar ekenin bilgeni durys. Óıtkeni adamnyń istegenin adam isteı alady dep tujyrymdaımyz. Bul jolyǵýdyń mán-maǵynasy zor. Bundaı kezdesýler den árbir jas ózine qajetti dúnıeni alady dep oılamyz», - dedi kezdesýge qatysýshy Ásel Boranbaeva.