Eńbek elendi.
Qurban aıt merekesi kúni «Almaty aqshamy» gazeti Bas redaktorynyń orynbasary Ánýarbek Áýelbek, Web-redaksıa jetekshisi Dáýren Dúısebaev, fototilshi Samat Qusaıynov, «Vechernıı Almaty» gazetiniń bólim redaktory Irına Týlınova QR Aqparat jáne qoǵamdyq damý mınıstrliginiń «Aqparat salasynyń úzdigi» tósbelgisimen marapattaldy.
«Qurban aıt merekesi men úshin tosyn syıǵa toly boldy. Eńbegim elenip, «Aqparat salasynyń úzdigi» atandym. Jalpy, aqparat salasynda fototilshilerdiń eńbegi eleýsiz qalyp jatatyny jasyryn emes. Sondyqtan bul marapat elimizdiń fototilshileri úshin de úlken qurmet dep bilemin. Bolashaqta fototilshilerdiń eńbegi eskerýsiz qalmaıdy dep oılaımyn», – deıdi áriptesimiz Samat Qusaıynov.
Jaýapty hatshy Ábdijamal Saparqulovtyń jas qozy etinen daıyndaǵan sirnesi men shashpa palaýynan aýyz tıgen jurtshylyq eldiń amandyǵyn, aspannyń ashyqtyǵyn tilep, duǵa jasady.