75 jyl buryn Halyqaralyq arhıvter keńesi dúnıege kelgen. Arhıvter keńesi búkil álemniń arhıv mekemeleri men tájirıbeshil arhıvshilerin bir ortaǵa biriktirip, búkil adamzattyń arhıvtik murasyn saqtaýǵa járdemdesip otyrǵan Halyqaralyq organ.
Osy uıymnyń qurylýyna oraı 9 maýsym - Halyqaralyq arhıvshiler kúni atanǵan bolatyn. Jazǵy mektepti qorytyndylaý rásiminde Qazaqstan Respýblıkasy Prezıdenti Arhıviniń dırektory Á.Q. Mustafına jas arhıvshilerge búgingi alǵan jańa bilimderi men almasqan tájirıbelerin arhıv isinde sheberlikpen qoldanasyzdar dep senim bildirip, budan arǵy jumystaryna sáttilik tiledi.
Sondaı-aq ol óz sózinde Halyqaralyq arhıvter keńesi arhıv isi men qujattardy basqarýdyń kásibı máseleleri boıynsha tájirıbelerimen, zertteýlerimen jáne ıdeıalarymen barlyq órkenıetti elderdiń arhıvshilerine tálimgerlik baǵyt berip keledi.
Álemniń arhıvterin jetildirý men údemeli ósirýdiń árqashan bastamashysy jáne halyqaralyq ınovasıalyq jobalardy engizýdiń basty ıntegratory bolyp kelgen İSA uıymynyń mártebesi arhıvshiler úshin árqashan erekshe bolyp qala beretinin aıtyp ótti. Osy dúnıejúzilik Arhıvshiler kúni merekesiniń qabyldanýyna sebepker bolǵan İSA ujymyna shyǵarmashylyq tabystar tilep, jyly lebizin bildirdi.