Uly Jeńis kúni qarsańynda «Amanat» partıasynyń Bostandyq aýdandyq fılıaly men Almaty qalalyq máslıhatynyń depýtaty Jandos Nadırov 101 jastaǵy ardager Olga Andreevna Savenkoǵa arnaıy baryp, Jeńis kúnimen quttyqtady, dep habarlaıdy aqshamnews.kz.
Olga Savenko 1923 jyly 9 mamyrda Almatyda dúnıege kelgen. 18 jasynda Lenıngradtaǵy áskerı baılanys ýchılıshesin aıaqtap, maıdan dalasyna attanyp, 109-jeke baılanys polki quramynda Berlınge deıin jetken. Soǵystan keıin týǵan qalasyna oralyp, telegraf salasynda 57 jyl eńbek etken. Búginde ǵasyrdan asqan ardager elimizdiń beıbit ómirin maqtanyshpen aıtyp, elge degen súıispenshiligin tebirenispen jetkizdi.
Ardagerge arnaıy syılyqtar tabystalyp, jyly lebizder men alǵys sózder aıtyldy. Bul – erliktiń eshqashan umytylmaıtynyn, tarıhqa degen qurmettiń urpaq jadynda saqtalatynyn aıǵaqtaıdy.
Aıta keteıik, Almaty qalalyq máslıhatynyń sońǵy sesıasynda depýtat Jandos Nadırov Uly Jeńistiń 80 jyldyǵyna oraı ardagerlerge 5 mln teńgege deıin birjolǵy tólem jasaý bastamasyn qoldap, áriptesterin de osy ıgi iske ún qosty.