«Almaty Polytechnic College» KMQK bazasynda mańyzdy qalalyq is-shara – «Óndiristik oqytýdy transformasıalaý: Inovasıalar, syn-tegeýrinder jáne damý perspektıvalary» atty konferensıa ótti.
Jumysshy mamandyqtary jyly aıasynda uıymdastyrylǵan konferensıanyń maqsaty – óndiristik oqytý salasyndaǵy zamanaýı úrdister men ınovasıalyq tásilderdi talqylaý, sonymen qatar sıfrlyq ekonomıka talaptaryna saı bilikti mamandar daıarlaý sapasyn arttyrý boıynsha usynystar ázirleý.
İs-sharaǵa Almaty qalasynyń kolej ókilderi, oqý-óndiristik jumysy jónindegi orynbasarlar, ádiskerler, óndiristik oqytý sheberleri, jumys berýshi kompanıalar men kásiporyndardyń ókilderi, sonymen qatar kásibı bilim berý salasyndaǵy zertteýshi-ǵalymdar qatysty.
Konferensıa barysynda óndiristik oqytýdy jańa formatqa beıimdeý, ınovasıalyq ádisterdi engizý, sıfrlyq tehnologıalardy tıimdi qoldaný, dýaldy oqytýdy keńeıtý syndy taqyryptar kóterilip, mazmundy baıandamalar jasaldy. Pikirtalas alańdarynda qatysýshylar ózara tájirıbe almasyp, naqty sheshimder usyndy.
«Búgingi kúnniń talaby – ıkemdi, tehnologıany erkin meńgeretin, eńbek naryǵyna tez beıimdeletin mamandardy daıyndaý. Ol úshin óndiristik oqytý men kásiptik baǵdar berýdiń jańa modelin qalyptastyrý qajet», – dedi is-sharada sóz sóılegen kolej dırektory Medet Omarbekov.
Konferensıa qorytyndysynda kásibı bilim berýdi damytýǵa baǵyttalǵan usynystar men bastamalar jınaqtalyp, tıisti uıymdarǵa joldanatyn boldy.
Osy tektes is-sharalar bolashaq mamandardyń sapaly bilim alyp, elimizdiń ındýstrıalyq damýyna naqty úles qosýyna serpin beretini sózsiz.