Erbolat Dosaev dene shynyqtyrý-saýyqtyrý keshenderin jobalaý normatıvterin qaıta qaraýdy tapsyrdy
Almaty ákimi Erbolat Dosaev jumys sapary barysynda Alataý aýdanynyń Zerdeli sh/a aýmaǵy 3 myń sharshy metrden asatyn jańa dene shynyqtyrý-saýyqtyrý kesheniniń qurylysyn tekserdi. Qala basshysyna sport zal, seksıalyq sabaqtarǵa arnalǵan nysandar kórsetildi, dep habarlaıdy almaty-akshamy.kz
Erbolat Dosaev sport basqarmasynyń basshysyna jobada baseınniń joqtyǵyn kórsetip, qurylysy josparlanǵan barlyq dene shynyqtyrý-saýyqtyrý kesheninde baseınge oryn qarastyrýdy tapsyrdy.
Jańa dene shynyqtyrý-saýyqtyrý keshenin kórgen Almaty ákimi nysandy mundaı jaǵdaıda qabyldaýǵa tyıym saldy. Qala ákimi qurylys basqarmasy basshysyna nysandy tıimsiz paıdalanbaýǵa, ǵımarattyń ortalyqta bolýyna jáne kelýshilerdiń sabaqqa qatysýyna yńǵaıly etip qaıta qaraý kerektigin aıtty. Sonymen qatar, Erbolat Dosaev múmkindigi shekteýli jandar úshin qolaıly jaǵdaı jasaýdy júktedi.
Dene shynyqtyrý-saýyqtyrý kesheni qurylysyn «KAPSTROIGRÝPP-T» JSHS merdigerlik uıymy 2021 jyldyń tamyzynda bastaǵan. Alaıda qurylys materıaldarynyń qymbattaýyna baılanysty jumys 2021 jyldyń sońynda toqtatylyp, 2022 jyldyń jazynda jobaǵa túzetý engizilgen soń qaıta jandandy. Búginde keshendi salý boıynsha qurylys-montaj jumystary aıaqtaldy. Qazir ǵımarat ınjenerlik jelilerge qosylǵan, aýmaqty abattandyrý jumystary jalǵasyp jatyr.
Zerdeli sh/a jańa dene shynyqtyrý-saýyqtyrý kesheni Alataý aýdanynda alǵash ret salynyp otyr. Oǵan kúnine 400-ge deıin bala bara alady. Dene shynyqtyrý-saýyqtyrý kesheni aýdannyń sport seksıasyna degen qajettilikterin eskere otyryp jobalanǵan: Zerdelide balalar basketbol, voleıbol, dzúdo, taekvondo, boks jáne paýerlıftıngke qatysa alady.
Alataý aýdanynyń ákimi Azamat Qaldybekov qala basshysyna turǵyndardyń ómir súrý sapasyn jaqsartý boıynsha qabyldanyp jatqan sharalar týraly baıandap, densaýlyq saqtaý jáne bilim berý nysandaryn salý jobasyn usyndy. Erbolat Dosaev Zerdeli sh/a saıabaq qurylysy aıasynda kógaldandyrý máselesine erekshe nazar aýdarýdy jáne jasyl jelekterdiń sanyn kóbeıtýdi tapsyrdy.
Anyqtama:
Almatyda balalar men jastardy qoljetimdi sport seksıalarymen qamtamasyz etý, halyqty salaýatty ómir saltyna tartý úshin Medeý aýdanynyń Alataý shaǵyn aýdanynda jáne Túrksib aýdanynyń Jas Qanat shaǵyn aýdanynda dene shynyqtyrý-saýyqtyrý kesheni paıda bolady. Olardyń qurylysy kestege sáıkes, 2023 jyldyń sońyna deıin aıaqtalady.