Qala Aınabulaq - 4 shaǵyn aýdanyndaǵy balabaqsha qurylysynyń jobasyn belgilengen standarttar men talaptarǵa saı júrgizbegen ári sapasyz salǵan «AK Construction» JSHS merdiger - kompanıasyn sotqa beretin boldy. Bul týraly Jetisý aýdanyn jumys sapary barysynda aralaǵan Erbolat Dosaev málimdedi, dep habarlaıdy almaty-akshamy.kz
Jetisý aýdanynyń Aınabulaq - 4 shaǵyn aýdanyndaǵy 160 oryndyq jańa memlekettik balabaqsha 1987 jyly salynǵan, keıin súrilgen ári 10 jyl bos turǵan nysannyń ornyna salynýda. Qurylys qala basshysynyń tapsyrmasy boıynsha 2022 jyldyń mamyr aıynda bastaldy.
Qala basshysy balabaqshany aralaǵan kezde qurylys basqarmasy basshylyǵynyń nazaryn qurylys-montaj jáne árleý jumystaryn júrgizýdegi kemshilikterge aýdardy: qabyrǵalar sapasyz syrlanǵan, kóshedegi oıyn alańy búldirshinderge beıimdelmegen jáne t.b. Erbolat Dosaev olqylyqtary óte kóp obektini qabyldaýǵa bolmaıtynyn atap ótti. Basty nazarda sapa bolýy tıis ekenin qadap turyp aıtty. Almaty ákimi aqaýlardy qysqa merzimde joıýdy, al mindetin jaýapsyz atqarǵan merdiger uıymdy sotqa berýdi tapsyrdy. Budan basqa, «AK Construction» JSHS qurylys jumystaryn merzimderdi buzyp júrgizýde: kompanıa 2023 jyldyń mamyr aıynda jumysyn aıaqtaýy tıis edi.
Aıta keterligi, aýdanda, Almaty syndy halyq sanynyń ósýi baıqalady. Máselen, eger 2013 jyly Jetisý aýdanynyń halqy 143 myń adam bolsa, 2023 jyly onyń sany 196 myń adamǵa jetti.
