Arbattaǵy kópshilik oryndarǵa baqylaý kameralary ornatylady

Arbattaǵy kópshilik oryndarǵa baqylaý kameralary ornatylady Sýret: Yvision.kz

Qazir Arbat qala jastary bas qosatyn jerge aınaldy.


Qala basshysynyń aıtýynsha, bul mańdaǵy tártip  qolǵa alynatyn bolady, dep habarlaıdy Almaty-akshamy.kz


Ákimniń búgingi Almaly aýdanynyń halqymen kezdesýine kelgen turǵyn mynadaı shaǵym jasady:



«Men Abylaı han dańǵylyndaǵy 59 úıdiń turǵynymyn, bul qalanyń epısentri, Arbat jaıaý júrginshiler aımaǵynyń janynda, bizdiń injý-marjanymyz. Keshke ol jerden kóp shý estiledi. Bul  Jibek joly 103 mekenjaıda turatyn bizdiń úıdiń turǵyndaryna qatty keri áser etedi. Biz túrli sharalar qabyldaýǵa, 102-ge habarlasýǵa jáne qońyraý shalýǵa, patrúlderdi shaqyrýǵa májbúrmiz. Bul da eshteńe emes,  taǵy  bir problema paıda  boldy –  endi  mopedıster Arbatqa jınala bastady. Olar keshki jáne túngi ýaqytta jıi kezdesedi. Biz patrúldi shaqyrǵan kezde mopedıster tez  ketip qalady. Bul olar úshin batyl oıynǵa aınalady, óıtkeni olar qaıtyp oralady, sıgnal berip, ózderin kórsete bastaıdy, jol boıynda qatarǵa turady. Bul degenińiz baryp turǵan bassyzdyq qoı. Olardyń nómirleri joq, qadaǵalap, jazalaý múmkin emes. Bizdiń barlyq  eskertpelerdi eleń qylmaıdy, júgensizdik tanytady».



Turǵynnyń shaǵymyna qatysty Almaty qalasynyń ákimi Erbolat Dosaev bylaı dedi:



«Shyn máninde, biz mopedter men elektr skýterleri kólik quraldary dep tanyp, nómirleri bolýǵa mindetteıtin zańǵa sheshim men tolyqtyrýlardyń engizilýin asyǵa kútemiz, sodan keıin polısıa departamenti men ákimshilik polısıa basqarmasy qajetti sharalardy qabyldaı alady. Olar jınalǵan jerlerde qosymsha kameralar ornatylýy kerek. Tájirıbe kórsetkendeı, bul adamdardy tártipke keltiredi. Biz Almaty ákimdiginiń atynan elektr skýterlerinen basqa, mopedterdi 50 teksheden az kólikpen taný týraly usynys engizdik. Olarǵa aıyppul salý múmkin emes, óıtkeni olardyń zańdy mártebesi joq. Jumysty jalǵastyramyz, al Arbat boıynsha – sıfrlandyrý basqarmasymen búkil jaıaý júrginshiler aımaǵynda kameralar ornatamyz. Aýlalarda, eger shlagbaýmdar ornatýǵa bolatyn bolsa, aýdan ákimine, polısıa departamentine osy usynysty qoldaýdy tapsyramyn. Zańnamalyq retteýdiń arqasynda  tártip  qolǵa alynatyn bolady»



«Barlyǵy qaraýda, skýterler boıynsha Májiliste sheshim qabyldandy, mopedter boıynsha – qaraý satysynda. Arbatqa keletin bolsaq, biz shara qoldanamyz, patrúldi kúsheıtemiz», dedi óz kezeginde Almaty qalasy polısıa departamenti bastyǵynyń birinshi orynbasary Nurlan Almasbekov.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

12:40

11:58

10:34

19:08

18:13

17:38

17:19

15:53

15:26

14:54

14:43

14:20

14:17

14:09

12:28

12:15

12:02

12:00

11:52

11:37

11:21

11:09

11:01

11:00

10:48