Elimizde alǵash ret kózdiń qasań qabaǵyna amerıkalyq ádispen ota jasaldy.
Almatydaǵy Sanjar Asfendıarov atyndaǵy QazUMÝ ýnıversıtettik klınıkasy bazasynda mundaı operasıalar mamyrdyń 16-nan beri jasalyp jatyr.
Ol úshin qasań qabyqty transplantasıalaýdy qajet etetin ártúrli kóz aýrýlarymen aýyratyn 12 naýqas iriktelip alynǵan bolatyn. Búginge deıin 9 adamǵa osyndaı operasıa jasaldy, dep habarlaıdy Almaty-akshamy.kz
Oǵan qajet donorlyq tinder AQSH-tan jetkizildi. Olar aldyn ala ınfeksıanyń bar-joqtyǵyna tekserilip, arnaıy talaptarǵa saı jetikizilgen. Búgin 3 adamǵa osyndaı kúrdeli ota jasaý josparlanǵan.
Transplantasıany máıitten kózdiń qasań qabyǵyn aýystyryp salý ádisi 2015 jylǵa deıin elimizde kelisim prezýmpsıasymen jasalatyn. Ol kezde bul otany birden jasamasa, tinder jaramsyz bolap qalatyn. Sebebi bul tin óte sezimtal jáne transplantasıa jasaýdyń jalpy tájirıbesinde máıitten, ıaǵnı qaıtys bolǵan kezinde birden aýystyrylatyn. Al qazir amerıkalyqtar bul tinderdi máıitten alǵannan keıin kózdiń qasań qabyǵyn 14 kúnge deıin saqtaýǵa múmkindik beretin arnaıy reagentterdiń patentine ıe bolǵan. Bul jerdegi taǵy bir jańashyldyq - kózdiń qasań qabyǵynyń bir bóliginiń, ıaǵnı mıkroskapıalyq qabaty ǵana transplantasıalanady. Eki-úsh kúnnen beri jasalyp jatqan otalar kózdiń qasań qabaǵyǵynyń konservasıasynyń jańa tehnologıasyn paıdalana otyryp, alǵash ret júrgizilýde.
Bul eń kúrdeli operasıalardyń biri bolǵannan keıin, buǵan deıin negizinen shetelde jasalatyn. Transplantasıa ártúrli aýrýlardan keıin keratokonýs, belma jáne qabyqtyń bulyńǵyrlanýy, qabyqtyń zaqymdanýy, jaraqatqa baılanysty tyrtyqtar, ártúrli hırýrgıalyq aralasýlardan keıingi asqynýlar nátıjesinde qabyqtyń isinýi sıaqty aýrýlarda qajet.
Mamandar sońǵy tehnologıa boıynsha 2 jylda 304 operasıa jasaýdy josparlap otyr.
«Katarakta sıaqty buryn jasalǵan operasıalardan keıin zaqym kelgen qasań qabyq tinderin transplantasıalaý operasıalaryn birinshi ret jasadyq. Tómengi jol-naýqastyń qabyǵy tolyǵymen joıylmaıdy, tek zaqymdalǵan qabyq tinderi alynyp tastalady jáne aýystyrylady», - deıdi D. Asfendıarov atyndaǵy QazUMÝ oftalmologıalyq ortalyǵynyń dırektory, QR DSM bas shtattan tys oftalmology, medısına ǵylymdarynyń doktory, profesor Marat Súleımenov.
Mamandardyń aıtýynsha, máıit donorlyǵynyń damymaýy osyndaı operasıalardyń júrgizilmeýine baılanysty. Sondyqtan donorlyq qasań qabyqtardy AQSH-tan "Qazaqstan halqyna" qoǵamdyq qorynyń kómegimen qamtamasyz etý týraly sheshim qabyldandy. Pasıentter úshin barlyq operasıalar tegin jasalady.
Qazirgi ýaqytta 304 adamǵa múıizdi qabyqty transplantasıalaý qajet: ótpeli keratoplastıka – 221 adam, onyń ishinde 107 bala (48,4%); artqy qabatty keratoplastıka – 83 adam.
«Qazaqstanda donorlyq materıaldyń bolmaýy aǵzalar men tinderdi transplantasıalaýdy qajet etetin pasıentter úshin kúrdeli másele. Sondyqtan, basqa eldiń donorlyq tinderiniń arnaıy bankinen alynǵan konservilengen donorlyq materıaldy qoldaný búgingi kúni máseleniń jalǵyz sheshimi bolyp tabylady. Bul operasıalar erekshe, óıtkeni olar qasań qabyqty tolyǵymen ózgertpeýge múmkindik beredi, atap aıtqanda kez-kelgen aýrý kezinde zaqymdalǵan qabatty ózgertýge múmkindik beredi. Qazaqstanda mundaı operasıalardy engizý kórý qabileti nashar adamdardyń sanyn azaıtýǵa aıtarlyqtaı kómektesedi. «Qazaqstan halqyna» qory eki jyl ishinde 304 qasań qabyqty daıyndaýǵa jáne ákelýge 373 mıllıon teńge baǵyttaıdy», - dep túsindirdi «Qazaqstan halqyna» QQ Basqarma tóraǵasy Bolat Jámishev.
Operasıadan keıin naýqastardy ońaltý birneshe saǵatty alady. Transplantasıadan keıingi kúni pasıentter kóre alady.