Atalmysh shara onlaın rejımde ótti.
22 aqpanda "Araldy qutqarý" halyqaralyq qorynyń otyrysy onlaın rejımde ótti. Qazaqstan tarapynan bul sharaǵa Premer-Mınıstrdiń birinshi orynbasary Roman Sklár qatysty, dep habarlaıdy Almaty-akshamy.kz Primeminister.kz-ke silteme jasap.
Kezdesýde sý resýrstaryn basqarý jáne paıdalaný máselelerin sheshýdiń mańyzdylyǵyn túsiný, múddeli elder arasyndaǵy kóp qyrly yntymaqtastyqtyń oń úrdisteri atap ótildi.
Roman Sklár óz sózinde Qazaqstan tarapy Aral teńizine transshekaralyq ózenderdiń aǵynynyń qalyptasý aımaǵynan josparlanǵan ekspedısıany qoldaıtynyn, sondaı-aq osy ekspedısıany sátti uıymdastyrý men ótkizýge kómek kórsetýge daıyn ekenin atap ótti. Sonymen qatar ırrıgasıa men energetıka múddelerin eskere otyryp, óńirdiń sý-energetıkalyq resýrstaryn tıimdi paıdalaný mehanızmin qarastyratyn Óńirlik sý-energetıkalyq konsorsıýmyn qurý máselesin qarastyrý usynylady.
Aral teńizi baseıniniń sý sharýashylyǵyn, ekologıalyq jáne áleýmettik-ekonomıkalyq jaǵdaıyn jaqsartý qajettiligi turǵysynda qatysýshylar aımaqtyq uıymdardyń rólin kúsheıtýdiń jáne aımaqtaǵy barlyq elderdiń qajettilikteri men múddelerin eskere otyryp, sý-energetıkalyq resýrstardy paıdalaný salasyndaǵy tıimdi sharalardy ázirleýdi jalǵastyrýdyń mańyzdylyǵyn atap ótti.
Araldy qutqarý halyqaralyq qorynyń basqarma otyrysynyń nátıjesinde tıisti hattamalar men qujattarǵa qol qoıyldy.
Kezdesýge sondaı-aq Tájikstan Respýblıkasy men Ózbekstan Respýblıkasy Premer-Mınıstrleriniń orynbasarlary, Túrikmenstannyń Sý resýrstary komıtetiniń tóraǵasy, "Araldy qutqarý" halyqaralyq qoryna múshe elderdiń múddeli vedomstvolarynyń jaýapty qyzmetkerleri qatysty.