Joba Aral teńiziniń ekojúıesin qalpyna keltirýge atsalysýdy kózdeıdi.
1-3 naýryz kúnderi Qazaqstanda eriktilerdiń alǵashqy ekologıalyq jobasy bastalady, dep habarlaıdy Almaty-akshamy.kz
Negizgi maqsat – 10 000 sekseýil kóshetin otyrǵyzý.
Jobany QR Ekologıa mınıstrligi, Qyzylorda oblysynyń ákimdigi jáne halyqaralyq Araldy qorǵaý qory men AlmaU ýnıversıtetiniń mamandary uıymdastyrady.
Nelikten sekseýil otyrǵyzylady?
Qyzylorda oblysy aýmaǵynyń 7 mıllıon gektar jerin qamtyǵan jasyl jelektiń basym bóligi – sekseýil. Jobanyń basty maqsaty shóleıtti aýmaqta kúı talǵamaı ósetin aǵash qoryn molaıtý jumystaryna óz úlesimizdi qosý. Bul topyraqtyń erozıaǵa ushyraýyn boldyrmaýǵa jáne tuz ben qumnyń kúlli álem boıynsha taralýyn toqtatýǵa kómektesedi.
Jobaǵa qatysýshylardy ne kútedi?
Jobaǵa qatysýshyǵa jatyn oryn, úsh mezgil tamaq beriledi jáne mádenı baǵdarlamalar, Qorqyt Ata keshenine zıarat etý, mamandarmen áńgimelesý jáne sekseýil otyrǵyzý sharalaryna qatysady.
Qatysýshy retinde tirkelý 27 aqpan kúni aıaqtalady.
Tolyq aqparatty ýnıversıtet saıtynan nemese @almau_edu ınstagram paraqshasynan bilýge bolady.