Qazaqstandyqtarǵa baspana salýǵa 3,6 paıyzben nesıe alýǵa bolady
Qazaqstandyqtarǵa tómen paıyzdyq mólsherlememen baspana salýǵa nesıe alýǵa bolady. Bul múmkindikti Qazaqstan azamattary elimizdiń kez kelgen aımaǵynda paıdalana alady, dep habarlaıdy Almaty-akshamy.kz.
Ol úshin "Otbasy bankiniń" salymshysy bolý - basty talap. Qurylysqa nesıe alý úshin bankte depozıt ashyp, qaryz alýǵa qajetti qarjyny jınaqtap, kepilmen qamtamasyz etý jáne tólem qabilettiligin rastaý kerek. Munyń barlyǵy qarjy ınstıtýty saıtynda kórsetilgen.
Qazaqstandyqtar nesıe túrin tańdaı alady. Mysaly, eń tómengi paıyzdyq mólsherleme – 3,6%-dan 25 jylǵa nemese odan az merzimge beriletin kepilmen turǵyn úı nesıesi. Oǵan 100 mln teńgege deıin alýǵa bolady. Eger jınaqtaý merzimi úsh jylǵa jetpese, aralyq nesıeni qurylysqa paıdalanýǵa bolady. Munda paıyzdyq kórsetkish joǵary – 25 jylǵa jyldyq 8,5%-ǵa deıin. Bank bere alatyn maksımaldy soma 90 mln teńgeni quraıdy.
“Bastapqy mólsherleme depozıt ashqanyńyzǵa úsh jyl tolǵanǵa deıin jaramdy. Sodan keıin siz turǵyn úı nesıesiniń sharttaryna aýysasyz, al nesıe mólsherlemesi 5% deıin tómendeıdi”, – dep jazylǵan banktiń veb-saıtynda.