Parlament palatalarynyń birlesken otyrysynda Prezıdent Qasym-Jomart Toqaev kreatıvti ındýstrıa óndirisine qarjy tartý joldaryn jeńildetý qajettigin aıtty, dep habarlaıdy Almaty-akshamy.kz.
«Qazir kreatıvti ındýstrıa ortalyqtary úsh iri qalada (Astana, Almaty, Shymkent) shoǵyrlanǵan. Óńirler bul turǵyda nazardan tys qalyp otyr. Muny túzetý kerek. Talanttardy tartatyn shyǵarmashylyq ındýstrıanyń ortalyqtary árbir oblys ortalyǵynda, árbir iri qalada bolýǵa tıis. Ol ortalyqtar qatysýshylarǵa óz ónimderin komersıalandyrý máselelerine kómektesý kerek», - dedi Qasym-Jomart Toqaev.
Sondaı-aq, Memleket basshysy kreatıvti ındýstrıa óndirisine qarjy tartý joldaryn jeńildetý kerektigin basa aıtty.
«Kreatıvti ındýstrıa nysandarynyń óndiristik prosestegi erekshelikteri olarǵa kásipkerlikti qoldaý baǵdarlamalaryna tolyq qatysýǵa, qarjy tartýǵa múmkindik bermeıdi. «Kreatıv ıelerin» qoldaý sharalarynyń jeke paketin ázirleý qajet dep sanaımyn», - dedi Prezıdent.