QR Mádenıet jáne sport mınıstrligi jarıalaǵan «Aıboz» ulttyq ádebı syılyǵyna búginge deıin 64 ótinish túsken, dep habarlaıdy Almaty-akshamy.kz Zakon.kz-ke silteme jasap.
Onyń ishinde «Úzdik proza» nomınasıasyna – 26 shyǵarma, «Úzdik drama» – 2 ótinim, «Úzdik poezıa» - 21, «Úzdik ádebı syn» atalymy boıynsha – 1 ótinim, «Úzdik ádebı aýdarma» - 4, «Úzdik balalar ádebıeti» - 8, «Úzdik komıks» - 2 ótinim.
Ádebı syılyqtyń jalpy júlde qory – 35 mln teńge. Ár nomınasıaǵa 5 mln teńgeden qarastyrylǵan. Úmitkerlerdiń ótinimi 2023 jylǵy 1 mamyr men 1 qyrkúıek aralyǵynda www.aiboz.kz saıty arqyly qabyldanady. Ádebı syılyq jyl sońynda tabystalady. Baıqaýǵa otandyq qalamgerler qatysa alady jáne úmitkerlerdiń jas ereksheligine shekteý joq.
"Aıboz" – otandyq qalamgerlerge memleket tarapynan qoldaý kórsetý jáne yntalandyrý maqsatynda Mádenıet jáne sport mınıstrligi uıymdastyratyn ulttyq ádebı syılyq.
«Baıqaýǵa buryn-sońdy esh jerde jarıalanbaǵan shyǵarmalar ǵana qabyldanady. Bul qazaq ádebıetiniń qory 7 nomınasıa boıynsha júzdegen jańa týyndymen tolyǵady degen sóz. Sonymen qatar qalamgerler arasynda báseke paıda bolyp, sonyń nátıjesinde oqyrmanǵa ózekti, qyzyq ári zamanaýı shyǵarmalar jol tartady»,- dedi QR MSM Arhıv, qujattama jáne kitap isi komıteti Kitap isi basqarmasynyń basshysy Almaz Myrzahmet.