Aqtóbelik arý kólik qozǵaltqyshyn jóndep, metal jonýdy meńgergen.
Nıka Elýbaeva názik jandylardyń kez-kelgen mamandyqty ıegere alatyndyǵyn dáleldep júrgenderdiń qatarynan. Ádette mańaıynda tek er azamattar júretin stanogty ol kúndelikti jumysta paıdalanady. Tapsyrys qabyldap qosalqy bólshekterdi jasaýǵa mashyqtanǵan, dep habarlaıdy Almaty-akshamy.kz 24.kz-ke silteme jasap.
Nıka Elýbaeva «es bilgeli ákemniń qasynda kólikjaıda júrdim»,- deıdi.
Bala kúninen qosalqy bólshekterdi zerttep, temir jonýdyń qyr-syryn úırengen. Mektepti támámdaǵan soń joǵary oqý ornynyń halyqaralyq qatynastar fakúltetinde bilim alypty. Tipti 6 jyl Túrkıada turǵan. Ákesi dúnıeden ozǵan soń elge oraldym deıdi.
- Bala kúnnen ıgergen kásibim ǵoı. Biraq temir jonýdy ákem qaıtqan soń ǵana mamandyq retinde qabyldadym. Ákemnen qalǵan bildekter bar. Alǵashynda aınalamdaǵy jandardyń barlyǵy qarsy boldy. Qural-saımandardy satyp jiberýge de úgittedi. Áıel adamnyń isi emes deıtin. Soǵan qaramastan qosalqy bólshekterdi jona bastadym. Sapaly shyǵatynana da kópshiliktiń kózi jetti, -deıdi qala turǵyny Nıka Elýbaeva.
Buǵan deıin Nıka Elýbaeva sán salasynda model, ıt jattyqtyrýshy kınolog bop ta úlgergen.
Biraq «temirdi qalypqa keltirip, isten shyqqan qozǵaltqyshqa qaıta jan bergende kóńilim jadyrap shyǵady»,- deıdi.
Bastapqyda tosyrqap qalatyn júrgizýshiler artynan kóz úırenip, tipti izdep keletinderi de bar kórinedi.
- «Qyz bala ma? Sizge kep turmyn ba?»,- dep suraıdy kóbine. Telefon soqsa «kúıeýińizdi, ákeńizdi shaqyryp jiberińizshi»,- deıtinder de bar. Biraq qosalqy bólshekterdi jóndeýge ákelgende barlyǵy da kómekteskisi kep turady. Aýyr temirlerdi kóterip, qolushyn beredi, -deıdi qala turǵyny Nıka Elýbaeva.
Tokarlyqty ıgergen taldyrmash qyz bildekterin jańartýdy armandaıdy. Ákeden qalǵan qural-saımandar keńestik kezeńniń buıymdary. Avtomatty túrde esep-qısap jasaıtyn zamanaýı jabdyqtar alsam izbasar-kómekshi etip qyz balany úıretý oıy da bar. Biraq ázirge nıet etken arýlar joq deıdi.
Istochnık: https://24.kz/kz/zha-aly-tar/o-am/item/611268-a-t-belik-aru-metall-zhonudy-me-gergen
Lúboe ıspolzovanıe materıalov dopýskaetsá tolko prı nalıchıı gıperssylkı na www.