Aqtóbe oblysy Qarǵaly aýdanynda qoqys polıgonynan paketke salynǵan shaqalaq tabyldy, dep habarlaıdy Almaty-akshamy.kz Inform.kz-ke silteme jasap.
Oqıǵa 23 qazan kúni tirkelgen. Oblystyq PD baspasóz qyzmetiniń habarlaýynsha, Qarǵaly aýdany polısıasynyń kezekshi bólimine Qarǵaly aýdany Badamsha aýyly mańyndaǵy «Rojdestvo-Dóń» tas jolynyń boıynda ornalasqan qoqys polıgonynan qara polıetılen pakette shaqalaqtyń denesi tabylǵany anyqtaldy.
«Oqıǵa ornyna jedel-tergeý toby jiberildi. Atalǵan fakti boıynsha Qazaqstan Respýblıkasy Qylmystyq kodeksiniń 100-baby, ıaǵnı «Anasy jańa týǵan náresteni óltirý» boıynsha sotqa deıingi tergeý amaldary bastalyp, balanyń anasyn anyqtaý boıynsha jedel is-sharalar júrgizilip jatyr», - dep habarlady oblystyq PD baspasóz qyzmeti.