Onyń ústinen sotqa deıingi tergeý bastaldy
Aqtóbede esirtki satty degen kúdikpen polısıa qyzmetkeri qamaýǵa alyndy, dep habarlaıdy Almaty-akshamy.kz Astana arnasyna silteme jasap.
Onyń qashan, qalaı ustalǵanyn polısıadaǵylar ashyp aıtpaı otyr. Belgilisi, jigit qalalyq polısıa bóliminiń qyzmetkeri eken. Oǵan qatysty qylmystyq kodekstiń «esirtki zattaryn daıyndaý, saqtaý jáne satý» jáne «qyzmettik jalǵandyq jasaý» baptary boıynsha is qozǵalǵan. Starshınanyń bar múlki tárkilenip, 12 jylǵa deıin bas bostandyǵynan aıyrylýy múmkin.
«Polısıa starshınasy qamaýǵa alyndy. Onyń ústinen sotqa deıingi tergeý bastalyp, tergeý amaldary júrgizilýde. Tártiptik komısıanyń sheshimimen polısıa qyzmetkeri ishki ister organynan bosatyldy, polısıa bóliminiń bastyǵy atqaratyn qyzmetinen bosatyldy. QR QPK 201-babyna sáıkes qylmystyq isti tergeý sheńberindegi ózge aqparat jarıalaýǵa jatpaıdy», - dedi Aqtóbe oblystyq PD baspasóz qyzmetiniń jetekshisi Erbolat Sarqulov.