Nátıjeni bekitýge úsh aı qajet boldy.
Ildar Iagáev 19 qyrkúıekte rekordshylar tizimin tolyqtyrǵany jónindegi sertıfıkatty aldy, dep habarlaıdy Almaty-akshamy.kz Lada.kz-ke silteme jasap.
Mańǵystaý oblysy strıt-vorkaýt jáne strıt lıftıng federasıasynyń prezıdenti, 7 dúrkin álem chempıony Ildar Iagáev jańa álemdik rekord ornatyp, Gınnestiń rekordtar kitabyna kirdi.
Sportshy beline qosymsha 40 fýnt júk baılap, 10 ret tartyldy. Ildar Iagáevtyń aıtýynsha, nátıjeni tirkeýge arnalǵan ótinishti osydan jeti aı buryn jibergen.
«Ótinimdi qaraý keıde jarty jylǵa sozylady. Men ózimniń nátıjem týraly beıneúzindini Gınnestiń rekordtar saıtyna jiberdim. Nátıjeni bekitýge úsh aı qajet boldy. Keıin meniń rekordym tirkeldi. Rekordshylar tizimin tolyqtyrǵanym jónindegi sertıfıkat Londonnan keldi. Ol bir aıǵa jýyq ýaqyt aldy. Osylaısha ony keshe, 19 qyrkúıekte, aldym», - dedi sportshy.
Sportshy jastardyń ǵana emes, sheneýnikterdiń de nazaryn strıt-vorkaýt jáne strıtlıftıngke aýdarǵysy keletinin aıtty.
«Strıt-vorkaýt pen strıt lıftıngtiń Qazaqstanda resmı túrde sport túri dep tanylǵanyn qalaımyn», - dedi Ildar Iagáev.