Egindi jınaý jumysy jalǵasyp jatyr.
Respýblıkanyń barlyq oblystarynda egin jınaý jumysy qyzý júrip jatyr, dep habarlaıdy Almaty-akshamy.kz.
«Ákimdikterdiń derekterine sáıkes, 13,9 mln ga dándi jáne dándi-burshaqty daqyldar jınaldy, bul jalpy ónimniń 86,3% quraıdy. Qazirgi tańda ortasha ónimdilik gektaryna 12,5 sentner kezinde 17,3 mln tonna astyq bastyryldy», - delingen ASHM baspasóz qyzmetiniń habarlamasynda.
Basqa aýyl sharýashylyǵy daqyldaryna keletin bolsaq, maıly daqyldardyń jalpy túsimi 363 myń tonnany qurady, 3,6 mln tonna kókónis jáne 2,1 mln tonna kartop jınaldy. Egindi jınaý jumysy jalǵasyp jatyr.
Qazaqstanda jalpy saqtaý syıymdylyǵy 12,8 mln tonna bolatyn 189 lısenzıalanǵan astyq qabyldaý kásiporny jumys isteıdi. Olardy jańa ónimdi qabyldaýǵa daıyndaý boıynsha josparly jumys júrgizilip jatyr. Sonymen qatar, aýyl sharýashylyǵy taýaryn óndirýshilerdiń óziniń 16,6 mln tonna astyqqa eseptelgen saqtaý qoımalary bar. Atalǵan kólemderdiń boljamdy túsimin eskersek, ol oryndar jınalǵan astyqty saqtaý úshin jetkilikti bolady.