Aqtaýdaǵy Caspi Bitum JSHS munaı óńdeý zaýytynda órt shyqty, dep habarlaıdy Aqshamnews.kz "QazMunaıGaz" ulttyq kompanıasynyń baspasóz qyzmetine silteme jasap.
Vedomstvo málimetinshe, oqıǵa 6 qyrkúıekte tańerteń bolǵan. Saǵat 08:05-te zaýyttaǵy atmosferalyq kolonnaǵa baratyn qubyrdan órt tutanǵan.
"Órt oshaǵy 08:32-de zaýyttyń stasıonarlyq órt sóndirý júıesi arqyly sóndirildi. Sonymen qatar "Semser-Órt Sóndirýshi" JSHS jáne qalalyq TJD órt sóndirý qyzmeti de oqıǵa ornyna jumyldyryldy", – delingen habarlamada.
Kompanıanyń málimetinshe, órt saldarynan zardap shekkender men materıaldyq shyǵyn joq.