Bul - odaq emes, bul - tarıhı yntymaqtastyq.
Energetıka mınıstri Bolat Aqsholaqov 1 aqpanda ótken alqaly jıynnan tys jýrnalıserdiń Reseı, Ózbekstan jáne Qazaqstan arasynda úshjaqty gaz odaǵyn qurý yqtımaldylyǵyna qatysty qoıǵan suraǵyna jaýap berdi, dep habarlaıdy Almaty-akshamy.kz Zakon.kz-ke silteme jasap.
Bolat Aqsholaqov bul arada odaq qurý týraly sóz bolyp jatpaǵanyn aıtty.
"Tarıhı turǵydan alǵanda, biz árqashan bir-birimizben ózara etene qabysyp, jumys istep kelemiz. Kelisimshart júıesi keshe negizin qalaǵan joq, ol jańǵyrtylyp otyrady. Búgingi tańdaǵy jaǵdaı bylaı, mysaly, Ózbekstannyń tabıǵı gazǵa degen qajettiligi bar delik, al ondaı kólemniń jalǵyz kózi – Reseı bolyp jatsa, tıisinshe, muny qandaı da bir jolmen jetkizý kerek bolady. Sol kezde tranzıt retinde Qazaqstan aýmaǵy arqyly jóneltýge týra keledi",- dedi QR Energetıka mınıstri.
Sonymen qatar, ol bul arada Qazaqstannyń soltústigi men shyǵysyn gazdandyrý máselesi, onda da birinshi kezekte Reseı gazyn jetkizý esebi turǵysynan paralel qarastyrylyp jatqanyn jetkizdi.
"Resýrstyq bazany ulǵaıtý úshin ýaqyt qajet. Bul odaq emes, bul tarıhı yntymaqtastyq. Buryn, 15-20 jyl buryn gazdy Orta Azıadan Reseıge qaraı aıdaıtyn. Búgin kúni, kerisinshe bolady, sondyqtan da bul arada tehnıkalyq jaıttar aldan shyǵýda, ol úshin birge jınalyp, osy máselelerdi sheshý kerek bolady", - dedi Bolat Aqsholaqov.