Digital Business málimetinshe, 2026 jyldan bastap bankter, tólem uıymdary jáne uıaly baılanys operatorlary alaıaqtyq belgileri baıqalǵan jaǵdaıda qarjylyq operasıalardy bes jumys kúnine deıin toqtata alady, dep habarlaıdy Ulysmedia.kz.
Qazir mundaı buǵattaý merzimi eń kóp degende úsh kúnmen shekteledi.
Bul ózgerister 2025 jylǵy 30 maýsymda qol qoıylǵan «Tólemder men tólem júıeleri týraly» zańǵa engizilgen túzetýlerde kózdelgen. Jańa redaksıaǵa sáıkes, eger tranzaksıa kúmán týdyrsa, uıym aqsha aýdarymyn ýaqytsha toqtatýǵa jáne klıentten rastaýshy aqparat suratýǵa quqyly. Eger qoldanýshy túsinikteme bermese, shot nemese elektrondyq ámıan mán-jaıdy anyqtaǵanǵa deıin buǵattalýy múmkin.
Eger operasıa qaýipsiz dep tanylsa, bank klıent qarajatyn paıdalana alady. Al eger tranzaksıa rasymen alaıaqtyq sıpatta bolsa klıent týraly aqparat quqyq qorǵaý organdaryna beriledi jáne ol kúmándi operasıalar bazasyna engiziledi.