14 jasar jasóspirim Almatyda terorızm aktisin jasaýǵa ýáde bergen, dep habarlaıdy aqshamnews.kz
Bul týraly ol jergilikti turǵynnyń WhatsApp nómirinen habarlady.
Buzaqy óziniń habarlamasynda Medeý aýdanynda ornalasqan turǵyn úılerdiń bireýin jarýdy josparlaǵandyǵyn naqtylaǵan.
«Aqparat shuǵyl den qoıýdy qajet etti. Ol túse salysymen atalǵan meken-jaıǵa qalanyń shuǵyl qyzmetteriniń barlyq ókilderi shyqty jáne saperlerdiń kómegimen ǵımaratqa komısıalyq tekserý júrgizildi: operatıvtik qyzyǵýshylyq tanytantyn jarylys quraldary men basqa da zattar tabylmady. Aqparat rastalmady. Onyń avtory jedel-izdestirý is-sharalar júrgizýdiń birinshi saǵattynda anyqtaldy. Ol joǵaryda atalǵan turǵyn úıleriniń biriniń 14 jasar turǵyny bolyp shyqty. Jasóspirim istegendigin moıyndady jáne habarlamany buzaqylyq nıetpen jibergendigin rastady. Atalǵan fakti QR QK 273-b. – terorızm aktisi týraly kórineý jalǵan habarlaý boıynsha sotqa deıingi tergep-tekserýlerdiń biryńǵaı tiziliminde tirkeldi. Qylmystyq is jónindegi is júrgizýdi bizdiń Departamenttiń Tergeý basqarmasy júzege asyrady» - dep Almaty PD bastyǵynyń orynbasary polısıa podpolkovnıgi Ádilbekov Berik habarlady.
Polısıada sonymen qatar terorızm aktisi týraly kórineý jalǵan habarlamany bile tura taratqandyǵy úshin alty jylǵa deıin bas bostandyqtan aıyrýdy kózdeıtin qylmystyq jaýapkershilikke tartylatyndyqtary týraly eske saldy.