Aldaǵy jylytý maýsymyna daıyndyq aıasynda Almatynyń Bostandyq aýdanynda 1973 jyly paıdalanýǵa berilgen 1,5 shaqyrymǵa jýyq jylý trassasy aýystyrylady.
Osyǵan baılanysty 2025 jyly 3 shilde men 25 tamyz aralyǵynda Almatynyń Bostandyq aýdanynda Markov kóshesiniń boıymen – Buqar Jyraý býlvarynan «Zaıka» balabaqshasyna deıingi bóliginde avtokólik qozǵalysy eki baǵytta da toqtatylady.
Kórshiles turǵyn úılerdiń aýlalaryna avtokólik pen jedel qyzmetter Rımskıı-Korsakov kóshesi arqyly – Buqar Jyraý býlvarynan №3 turǵyn úı jaqtaǵy kireberiske deıin qatynaı alady.
Bul ýaqytsha shekteýler kóshe boıyndaǵy jol jıeginiń astymen ótetin magıstraldyq qubyr jelisiniń josparly qaıta qurý jumystaryn qaýipsiz júzege asyrý úshin engiziledi.
Jańǵyrtý jumystary júrgizilip jatqan kezeńde tutynýshylarǵa ystyq sý berý toqtatylmaıdy.
Atalǵan jylý trassasy 16 kóppáterli turǵyn úı men taǵy 7 nysandy jylýmen jáne ystyq sýmen qamtamasyz etedi.
Jalpy, bıyl qala boıynsha 39 shaqyrym jylý jelisin jańartý josparlanǵan. Bul tozý deńgeıin 54%-ǵa deıin tómendetýge múmkindik beredi.
Esterińizge sala keteıik, kólik qozǵalysyn shekteý týraly barlyq aqparat Almaty.kz saıtynda, @AlmatyJoly Telegram arnasynda, aýdan ákimdikteri men basqarmalardyń áleýmettik jelilerinde, sondaı-aq. «2GIS» jáne «Iandeks kartalar» servısterinde jarıalanǵan.