AQSH-ta qansha qazaqstandyq bar ekeni jaıynda Syrtqy ister mınıstrliginiń ókili jaýap berdi, dep habarlaıdy aqshamnews.kz
Qazaqstannyń Syrtqy ister mınıstriniń orynbasary Álibek Baqaevtyń málimetinshe, AQSH-tyń konsýldyq tiziminde shamamen 25 myń qazaqstandyq tirkelgen.
Degenmen, tirkelmegen azamattardyń naqty sany belgisiz, sondyqtan bul kórsetkish tolyq dál emes.
Qazirgi ýaqytta AQSH-tan Qazaqstan azamattaryn shyǵarýǵa qatysty qandaı da bir resmı aqparat joq. Biraq jaqynda Qazaqstan elshiligi AQSH-taǵy qazaqstandyqtarǵa mıgrasıalyq zańnamanyń qatańdatylyp jatqanyn eskertip, aqparat taratypty. Bul qadam AQSH-ta turyp jatqan qazaqstandyqtarǵa zańdy talaptar men ózgerister týraly ýaqytyly habardar bolýdy qamtamasyz etý maqsatynda jasalǵan.